இந்தியா

சுனாமி குடியிருப்பில் அதிகாரிகள் திடீர் ஆய்வு

Added : நவ 29, 2019
Advertisement

புதுச்சேரி : காலாப்பட்டு சுனாமி குடியிருப்பில் வருவாய் துறை அதிகாரிகள் நேற்று திடீர் ஆய்வு மேற்கொண்டனர்.

புதுச்சேரியில் கடந்த 2004ம் ஆண்டு ஏற்பட்ட சுனாமியால் வீடு இழந்த குடும்பங்களுக்கு, புதுச்சேரி அரசு சார்பில், காலாப்பட்டு சட்டக்கல்லுாரி பின்புறம், பெரிய காலாப்பட்டு, சின்ன காலாப்பட்டு, கனகசெட்டிக்குளம், பிள்ளைச்சாவடி ஆகிய நான்கு கிராமங்களில் மீனவர்களுக்கு, 1431 வீடுகள் கட்டி தரப்பட்டது. இந்த குடியிருப்புகளில், பெரும்பாலான குடும்பத்தினர் தற்போது வசித்து வருகின்றனர்.இதனிடையே, சுனாமி குடியிருப்பு வீடுகளை சிலர் வெளியாட்களுக்கு வாடகைக்கு விட்டுள்ளதாகவும், சிலர் வீடுகளை விற்றுவிட்டதாகவும் அரசுக்கு புகார்கள் சென்றன.அதன்பேரில், சுனாமி குடியிருப்புகளை ஆய்வு செய்யுமாறு வருவாய் அதிகாரிகளுக்கு அரசு உத்தரவிட்டது.இதையடுத்து, புதுச்சேரி வருவாய் துறை ஆய்வாளர் மரியதாஸ் மற்றும் உழவர்கரை நகராட்சி அதிகாரிகள் நேற்று சுனாமி குடியிருப்பில் ஆய்வு செய்தனர். ஒவ்வொரு வீடாக சென்று, பயனாளிகளின் விவரங்களை சரிபார்த்தனர். வீடுகள் விற்பனை செய்யப்பட்டுள்ளதா எனவும் ஆய்வு செய்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X