பொது செய்தி

தமிழ்நாடு

மக்காச்சோள விலையை குறைக்க 'சிண்டிகேட்': கூட்டத்தில், விவசாயிகள் 'பகீர்' குற்றச்சாட்டு

Added : நவ 30, 2019
Advertisement

திருப்பூர்:மாட்டுத்தீவன தயாரிப்பு நிறுவனங்கள், 'சிண்டிகேட்' அமைத்து, மக்காச்சோள விலையை குறைப்பதாக, விவசாயிகள் குறைகேட்பு கூட்டத்தில் குற்றச்சாட்டு எழுந்துள்ளது.மாவட்ட அளவிலான, விவசாயிகள் குறைகேட்பு கூட்டம், திருப்பூர் கலெக்டர் அலுவலகத்தில் நேற்று நடந்தது. கலெக்டர் விஜய கார்த்திகேயன் தலைமை வகித்தார். டி.ஆர்.ஓ., சுகுமார், திட்ட இயக்குனர் ரூபன் சங்கர்ராஜ், கூட்டுறவு இணை பதிவாளர் பிரபு, வேளாண் இணை பதிவாளர் மனோகர் முன்னிலை வகித்தனர்.தமிழ்நாடு விவசாயிகள் சங்க மாவட்ட செயலாளர் மனோகரன்: பயிர்க்காப்பீடு வறட்சி நிவாரணத்தை விரைவில் வழங்க வேண்டும். நுாறு நாள் திட்டத்தில், தொழிலாளர்களை நிபந்தனையின்றி சேர்க்க வேண்டும்.தமிழக கட்சி சார்பற்ற விவசாயிகள் சங்க தலைவர் காளிமுத்து: மின்கோபுரம் அமைக்கும் நிலங்களுக்கு, ஏக்கருக்கு, 10 லட்சம் ரூபாய் நிவாரணம் வழங்க வேண்டும். உப்பாறு அணைக்கு, 10 நாட்களாவது உயிர் தண்ணீர் திறக்க வேண்டும்.உழவர் உழைப்பாளர் கட்சி மாவட்ட செயலாளர் ஈஸ்வரமூர்த்தி: நெல் நடவு பணி நடந்து வருவதால், நீர் மேலாண்மையை சரியாக திட்டமிட்டு, பாசனத்துக்கு தண்ணீர் திறக்க வேண்டும். படைப்புழு மருந்துடன், பிற மருந்துகள் வாங்க கட்டாயப்படுத்தக்கூடாது.தமிழ்நாடு விவசாயிகள் சங்க மாவட்ட தலைவர் சின்னசாமி: ஊத்துக்குளி தாலுகாவில், சிறு, குறு விவசாயிகள் சான்று, தடையின்றி வழங்க வேண்டும். பெருந்தொழுவு கிராமம், கந்தாம்பாளையத்தில் புதிய கால்நடை மருத்துவமனை துவக்க வேண்டும். ஊத்துக்குளியில், அரசு சார்நிலை கருவூலம் துவக்க வேண்டும். கால்நடைகளுக்கான காப்பீடு திட்டத்தை அறிவிக்க வேண்டும்.பால் உற்பத்தியாளர்கள் சங்க நிர்வாகி பரமசிவம்:மத்திய அமைச்சர், தமிழகத்தில் உற்பத்தியாகும் பாலில், நச்சுத்தன்மை அதிகம் இருப்பதாக தெரிவித்துள்ளார். தமிழகத்தில், 1.35 கோடி லிட்டர் பால் தினமும் உற்பத்தியாகிறது.ஆவின், 30 லட்சம் லிட்டரும், மீதியுள்ள பாலை தனியார் நிறுவனங்களும் உற்பத்தி செய்கின்றன. கொள்முதல் செய்யும் இடத்திலேயே, நச்சுத்தன்மையை ஆராயும் கருவிகள் வழங்க வேண்டும்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X