மேட்டூர்: மேட்டூர் அணை நீர்வரத்து நேற்று வினாடிக்கு, 6,000 கனஅடியாக சரிந்தது. மேட்டூர் அணை மொத்த நீர்மட்டம், 120 அடி; நீர் கொள்ளளவு, 93.47 டி.எம்.சி., காவிரி நீர்பிடிப்பு பகுதியில் பருவமழை தீவிரம் குறைந்ததால் நேற்று முன்தினம் வினாடிக்கு, 7,043 கனஅடியாக இருந்த மேட்டூர் அணை நீர்வரத்து, நேற்று, 6,000 கனஅடியாக சரிந்தது. அணையில் இருந்து வினாடிக்கு, 5,000 கனஅடி நீர் டெல்டா பாசனத்துக்கு திறக்கப்பட்டது. நேற்று அணை நீர்மட்டம், 120 அடி; நீர் இருப்பு, 93.47 டி.எம்.சி.,யாக இருந்தது.