காஷ்மீரில் சாட்டிலைட் போன் ; பயங்கரவாதிகள் கள்ளத்தனம்

Updated : டிச 01, 2019 | Added : டிச 01, 2019 | கருத்துகள் (5)
Advertisement

ஸ்ரீநகர் : ஜம்மு - காஷ்மீரில், 'இன்டர்நெட்' சேவை முடக்கப்பட்டுள்ள நிலையில், தகவல்களை பரிமாற, பயங்கரவாதிகள், 'சாட்டிலைட் போன்'களை பயன்படுத்துவது அதிகரித்துள்ளதாக பாதுகாப்புப் படையினர் தெரிவித்துள்ளனர்.






ஜம்மு - காஷ்மீருக்கான சிறப்பு அந்தஸ்தை ரத்து செய்தபோது, பல்வேறு கட்டுப்பாடுகள் விதிக்கப்பட்டன. மொபைல் போன் இணைப்புகள் உள்ளிட்டவை துண்டிக்கப்பட்டன. பின், மொபைல் போன் இணைப்புகள் படிப்படியாக செயல்பட அனுமதிக்கப்பட்டு உள்ளது. அதே நேரத்தில், 'இன்டர்நெட்' சேவை முற்றிலுமாக தடை செய்யப்பட்டுள்ளது.


குறைவு


இந்த தடையால், பயங்கரவாதிகளும், பிரிவினைவாதிகளும் தங்களுக்குள் தொடர்பு கொள்ள முடியாமல் திணறினர். அதனால், ஜம்மு - காஷ்மீரில் வன்முறை சம்பவங்கள் நடைபெறுவது குறைந்தது. இந்நிலையில், தகவல் பரிமாற்றத்துக்கு சாட்டிலைட் போன்களை பயங்கரவாதிகள் பயன்படுத்துவது அதிகரித்துள்ளதாக, பாதுகாப்புப் படையினர் தெரிவித்தனர்.





இது குறித்து, பாதுகாப்புப் படையினர் கூறியதாவது: ஜம்மு - காஷ்மீரில், சாட்டிலைட் போன்களை பயன்படுத்துவது புதிய விஷயமல்ல.எல்லைத் தாண்டி ஊடுருவ, பயங்கரவாதிகள், சாட்டிலைட் போன்களையே பயன்படுத்தி வந்தனர். அதேபோல், பாக்.,கில் இருந்தும், சாட்டிலைட் போன்களை பயன்படுத்தியே உத்தரவுகள் பிறப்பிக்கப்பட்டு வந்தன.






முடக்கம்


சமீபத்தில், கந்தர்பால் பகுதியில், பாதுகாப்புப் படையினர் தீவிர சோதனையில் ஈடுபட்டனர். அப்போது, பயங்கரவாதிகளிடம் இருந்து, சாட்டிலைட் போன் பறிமுதல் செய்யப்பட்டது. அதேபோல், ஸ்ரீநகரின் சவுரா பகுதியில், சாட்டிலைட் போன் பயன்படுத்தப்படுவது தெரியவந்துள்ளது. இந்த விவகாரத்தை தீவிரமாக கண்காணித்து, உரிய நடவடிக்கைகளை எடுத்து வருகிறோம். இவ்வாறு, அவர்கள் கூறினர்.





இந்தநிலையில், காஷ்மீர் பள்ளத்தாக்கு பகுதியில், இன்டர்நெட் சேவை தொடர்ந்து முடக்கப்பட்டுள்ளது. இந்தக் கட்டுப்பாட்டை நீக்குவதற்கு, பல்வேறு தரப்பினர் கோரிக்கை விடுத்துள்ளனர். ஆனாலும், இந்த சேவை, மீண்டும் எப்போது துவங்கும் என்பது குறித்து எந்த தகவலும் இல்லை.

Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
KavikumarRam - Chennai,இந்தியா
01-டிச-201911:17:37 IST Report Abuse
KavikumarRam இவர்களைக்கூட நம்பிறலாம். நேருக்கு நேரான எதிரிகள். ஆனால் இந்தியாவுக்குள் இருந்துகிட்டு ஜம்மு காஷ்மீருக்காக செக்யுலர் சவுண்டு விடும் Scamngiras , சுடலை கட்சி, கனியக்கா கட்சி, குருமா கட்சி, சைக்கோ கட்சி, சைமன் கட்சி நான்சென்ஸ்களை அழித்தாலே ஜம்மு காஷ்மீர் முக்காவாசி உருப்பட்டிரும்.
Rate this:
Share this comment
Cancel
அம்பி ஐயர் - நங்கநல்லூர்,இந்தியா
01-டிச-201910:34:13 IST Report Abuse
அம்பி ஐயர் எளிதில் கண்டுபிடித்துவிடலாமே... சாட்டிலைட் உதவியுடன்....???
Rate this:
Share this comment
Cancel
ஆரூர் ரங் - சென்னை ,இந்தியா
01-டிச-201908:23:31 IST Report Abuse
ஆரூர் ரங் வஹாபிகளே சாட்டிலைட் போன் ஹராமா ஹலாலா? மார்க்கப்படி பயன்படுத்தலாமா?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X