பொது செய்தி

தமிழ்நாடு

ஜவுளித்துறைக்கு எப்போதும் ஆதரவு; அமைச்சர் பேச்சு

Added : டிச 01, 2019
Advertisement

ஈரோடு: ''ஜவுளி உற்பத்தியாளர்களுக்கு, ஒவ்வொரு கால கட்டத்திலும், அரசு ஆதரவாகவே இருந்துள்ளது,'' என்று, பள்ளி கல்வித்துறை அமைச்சர் செங்கோட்டையன் கூறினார். தென்னிந்திய ஜவுளி கண்காட்சி நிறைவு விழா, ஈரோட்டில் நடந்தது. இதில் அமைச்சர்கள் செங்கோட்டையன், தங்கமணி, கருப்பணன் கலந்து கொண்டனர். அமைச்சர் செங்கோட்டையன் பேசியதாவது: ஜவுளித்துறை பல ஆண்டுகளாகவே கடும் சிரமங்களை சந்தித்து வருகிறது. முதலில் மின்சார பிரச்னை இருந்தது. பின் நூல் மற்றும் பஞ்சு விலை உயர்வு, சுற்றுச்சூழல் மாசு ஏற்படுத்தும் சாயக்கழிவு பிரச்னை என்று, பல போராட்டங்கள் மத்தியில், ஜவுளித்தொழில் நல்ல ஒரு நிலையை கடந்து வந்துள்ளது. ஒவ்வொரு காலக்கட்டத்திலும் அரசு ஜவுளி உற்பத்தியாளர்களுக்கு ஆதரவாக இருந்து வந்திருக்கிறது. முதல்வர் பழனிசாமி, மூன்று லட்சத்து, 431 கோடி ரூபாய் வெளிநாட்டு தொழில் முதலீடுகளை ஈர்த்துள்ளார். அவர் சென்ற வெளிநாட்டு பயணங்கள் மூலம், ?,835 கோடி ரூபாய் முதலீடு ஈர்த்துள்ளார். இவ்வாறு அவர் கூறினார்.
அமைச்சர் கருப்பணன் பேசியதாவது: ஈரோடு, பவானியில் சாயத்தொழில் மேம்பாட்டுக்காக, ஏழு பொது சுத்திகரிப்பு நிலையங்கள் அமைக்கப்பட உள்ளன. ஈரோடு, பவானி உற்பத்தியாளர்களை போன்று, பள்ளிபாளையம் பகுதியில் இருப்பவர்களும் ஒருங்கிணைந்து, சுத்திகரிப்பு நிலையம் அமைக்க, இடம் தேர்வு செய்து முறையாக விண்ணப்பித்தால், உற்பத்தியாளர்களுக்கு சுமை இல்லாமல், சுத்திகரிப்பு நிலையம் அமைக்க நடவடிக்கை எடுக்கப்படும். இவ்வாறு அவர் பேசினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X