40, இ - சேவை மையங்கள் தற்காலிகமாக மூடல்| Dinamalar

எக்ஸ்குளுசிவ் செய்தி

தமிழ்நாடு

40, 'இ - சேவை' மையங்கள் தற்காலிகமாக மூடல்

Updated : டிச 02, 2019 | Added : டிச 01, 2019 | கருத்துகள் (2)
 40, 'இ - சேவை' மையங்கள் தற்காலிகமாக மூடல்

வாடிக்கையாளர்களின் எண்ணிக்கை குறைவால், 40 அரசு, 'இ - சேவை' மையங்கள், தற்காலிகமாக மூடப்பட்டுள்ளன.

தமிழக மின்னாளுமை முகமை இயக்ககம், தமிழ்நாடு அரசு கேபிள், 'டிவி' வாயிலாக, அரசு, 'இ - சேவை' மையங்களை செயல்படுத்தி வருகிறது. தமிழகத்தில், 600க்கும் அதிகமான, அரசு இ - சேவை மையங்கள் செயல்பாட்டில் உள்ளன. அவற்றில், பிறப்பு சான்றிதழ், வருமான சான்றிதழ், ஆதார் பதிவு செய்தல் உட்பட, 80க்கும் மேற்பட்ட சேவைகள் வழங்கப் படுகின்றன.

அதில், பல, இ - சேவை மையங்களில், வாடிக்கையாளர் வருகை குறைவால், தற்காலிகமாக மூடப்பட்டுள்ளன.இது குறித்து, அரசு கேபிள், 'டிவி' அதிகாரிகள் கூறியதாவது:மாவட்ட கலெக்டர் அலுவலகம் மற்றும் தாசில்தார் அலுவலகங்களில் உள்ள, இ - சேவை மையங்களுக்கு, மக்கள் அதிகம் வருகின்றனர். ஆனால், ஒரு நபர் கூட வராத, சில, இ - சேவை மையங்கள் நிறைய இருந்தன.

இவற்றில், 40 மையங்கள் தற்காலிகமாக மூடப்பட்டுள்ளன.மாவட்டங்களில் சில மையங்களும், சென்னையில், மண்டல அலுவலகங்களை தவிர்த்து, வார்டுகளில் செயல்பட்ட மையங்களும் மூடப்பட்டுள்ளன. அங்கு பணியாற்றிய ஊழியர்கள், வேறு மையங்களில் பணியமர்த்தப் பட்டுள்ளனர். சில மையங்களை, வேறு இடத்திற்கு மாற்ற ஆலோசனை நடந்து வருகிறது. இவ்வாறு, அவர்கள் கூறினர்.

- நமது நிருபர் -

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X