பனங்காடி ரோட்டோர பள்ளத்தால் அடிக்கடி வாகன விபத்து| Dinamalar

பனங்காடி ரோட்டோர பள்ளத்தால் அடிக்கடி வாகன விபத்து

Added : டிச 02, 2019
 பனங்காடி ரோட்டோர பள்ளத்தால் அடிக்கடி வாகன  விபத்து

சிவகங்கை:சிவகங்கை பனங்காடி ரோட்டில் பாலம் அருகேயுள்ள பள்ளத்தால் வாகன ஓட்டிகள் அடிக்கடி விபத்திற்கு உள்ளாகின்றனர்.

இப்பகுதியில் ரோஸ் நகர், மலர் நகர், அழகு மெய்ஞானபுரம் உட்பட 23 குடியிருப்புகள், அல்லுார் பனங்காடி, சாத்தனி உட்பட பல்வேறு கிராமங்கள் உள்ளன. கடந்த 1997-- 99 ல் மறவமங்கலத்திற்கு பெரியாறு தண்ணீர் கொண்டு செல்ல பனங்காடி ரோட்டின் குறுக்கே பாலம் கட்டி, கால்வாய் அமைத்தனர். தற்போது இக்கால்வாய் பயன்பாடின்றி, பாலம் மற்றும் ரோட்டின் ஓரம் இருந்த செம்மண் அரித்து பள்ளம் ஏற்பட்டுஉள்ளது.

இந்த ரோட்டில் செல்லும் மாணவர்கள், மாற்றுத்திறனாளி இல்லத்தினர் சென்று வருகின்றனர். வாகனங்கள் பள்ளம் தெரியாமல் இரவில் கவிழ்ந்து விபத்து நேரிடுகிறது.கலெக்டரிடம் புகார்: இப்பகுதியை சேர்ந்த விஜயகுமார் கூறியதாவது: அதிகாரிகளிடம் புகார் செய்தும் பலனில்லை. இறுதியாக கலெக்டர் மெயிலுக்கு புகார் அனுப்பியுள்ளோம். அவர் நடவடிக்கை எடுக்க வேண்டும், என்றார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X