பொது செய்தி

தமிழ்நாடு

விரட்டும் பருவமழை.... மிரட்டும் வெங்காயம்: சாம்பாரில் இனி இல்லை வெங்காயம், முருங்கைக் காய்

Added : டிச 02, 2019
Advertisement


விருதுநகர்விருதுநகரில் பருவமழை பாதிப்பால் காய்கறிகள் விலை அதிகரித்து வருவதால் பொதுமக்கள் பொருளாதார சிரமத்தை சந்திக்கின்றனர்.தமிழகம் முழுவதும் பருவமழையால் காய்கறி விலை அதிகரித்து கொண்டே வருகிறது. விருதுநகர் மாவட்டத்திற்கு மதுரை மாவட்டம் பரவையில் இருந்து காய்கறி பெறப்படுகிறது. இந்நிலையால் தொடரும் மழையால் நாளுக்கு நாள் காய்கறி விலையானது ஏறிக் கொண்டே போகிறது. விருதுநகர் காய்கறி மார்க்கெட்டில் சிவப்பு கத்தரி கிலோவுக்கு ரூ.20 அதிகரித்து ரூ.80, வெள்ளை கத்தரி ரூ.20 அதிகரித்து ரூ.160 ஆக அதிக விலையில் விற்கப்படுகிறது.வெண்டை ரூ.40, உருளை கிலோ ரூ.50, புடலை ரூ.40, மிளகாய் ரூ.60, முள்ளங்கி ரூ.50, பீன்ஸ் ரூ.60, அவரை 60, பீர்க்கங்காய் ரூ.30, சுரைக்காய் ரூ.20, முட்டைக்கோஸ் விலை ரூ.40, பாகற்காய் ரூ.120, அதலக்காய் ரூ.100 என கடந்த வார விலையே நீடிக்கிறது. நாட்டு அவரை கிலோவிற்கு ரூ.20 அதிகரித்து ரூ.80க்கும், பீட்ருட் ரூ.10 குறைந்து ரூ.50, காலிபிளவர் ரூ.20 அதிகரித்து ரூ.60 க்கும் விற்கப்படுகிறது. கருணை ரூ.60, சேனை ரூ.60, சேம்பு ரூ.80, சவுசவு ரூ.40, டர்ணிப்பூ ரூ.60, நுாக்கல் ரூ. 80 ஆகியவை அதே விலை தொடர்கிறது.காரட் தொடர்ந்து ரூ.60க்கே விற்கபடுகிறது. வரத்து அதிகரிப்பு, பருவநிலை காரணமாக தக்காளி கிலோ ரூ.10 குறைந்து ரூ.30, எலுமிச்சை ரூ.40 குறைந்து ரூ.80க்கு விற்கப்படுகிறது. மேலும் வரலாறு காணாத அளவிற்கு சின்ன வெங்காயம் சிறியது ரூ.130க்கும், பெரியது ரூ.150, பல்லாரி ரூ.90 விற்கப்படுகிறது. வெங்காயம் தொடர்ந்து விலையேறி கொண்டே போவது குடும்பத்தலைவிகள் மத்தியில் மலைப்பை ஏற்படுத்தி உள்ளது. முருங்கை கிலோவிற்கு ரூ.350 அதிகரித்து ரூ.500க்கு விற்கப்படுவது பொதுமக்களை வேதனை அடைய செய்துள்ளது. கொத்தமல்லி இலை ரூ.60, கருவேப்பிலை ரூ.60 விற்கப்படுகிறது. வாழைக்காய் ரூ.5க்கும், தடியங்காய், பூசணி கிலோ ரூ.30, இஞ்சி கிலோ ரூ.120 வரை விற்கப்படுகிறது.
காய்கறி கடைக்காரர்கள் கூறுகையில், "தமிழகம் முழுவதும் பல்வேறு பகுதிகளில் பரவலான மழை பெய்து வருகிறது. இதனால் காய்கறிகள் விலை ஏறி கொண்டே போகிறது. விளையும் இடத்தில் இருந்து காய்கறி விற்பனைக்கு கொண்டு வரும் இடம் வரைக்கும் மழை பெய்கிறது. மதுரை மாவட்டம் பரவைக்கு பல்வேறு பகுதிகளில் இருந்து காய்கறிகள் வருகிறது. குறிப்பாக வெங்காயம் மஹாராஷ்டிரா போன்ற பிற மாநிலங்களில் இருந்து வருகிறது. மண்ணில் இருந்து எடுக்கப்படும் வெங்காயம் 2 நாட்களுக்கு மேல் தாக்கு பிடிப்பதில்லை, அழுகிவிடுகிறது. இப்படி இருந்தால் எப்படி விற்க முடியும். மண்ணுக்கு மேலே விளையும் பொருட்கள் பூக்கள் உதிர்ந்து விடுகின்றன. உதாரணமாக 1 ஏக்கரில் 4 மூடை கத்தரி அறுவடை செய்யும் விவசாயி. தற்போது 10 கிலோ கூட பெறுவதில்லை. காரணம் பூக்கள் உதிர்வு தான். இதுவே விலையேற்றத்திற்கு காரணம்," என்றனர்.

வெங்காய வடைக்கு 'தடா'விருதுநகர் மாவட்டத்தில் சூடான முறுகலான வெங்காய வடை கடந்த சில வாரங்களாக பெரும்பாலான கடைகளில் கிடைப்பதில்லை. காரணம் வெங்காய விலையேற்றம். அனைத்து உணவுகளிலும் முன்னிலை வகிக்கும் வெங்காயத்தை தற்போது எங்குமே காணோம். அதே போன்று முருங்கைக்காய் எங்குமே கிடைப்பதில்லை. சாமானிய மக்களின் உணவான வெங்காயமும், முருங்கைக்காயும் தற்போது பணக்காரர்களின் உணவாகி விட்டது. இதே நிலை நீடித்தால் உணவு பொருட்களின் விலை அதிகரிக்கவும் வாய்ப்புள்ளது என சிற்றுண்டி கடைக்காரர்கள், ஓட்டல் உரிமையாளர்கள் கூறுகின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X