குப்பை வாகனத்துக்கு வலை போடலாமே: தாரமங்கலம் பஸ் ஸ்டாண்ட், காய்கறி சந்தை, ஓட்டல், வணிக வளாகம் என, தினமும், 4 டன் குப்பை சேகரிக்கப்பட்டு வருகிறது. அவற்றை டிராக்டர், மினி டோர் வேன், பேட்டரி வேன் மூலம் எடுத்து செல்லப்படுகிறது. அப்போது அளவுக்கு அதிகமாக குப்பையை எடுத்து செல்வதால் காற்றினால் சாலையிலும், வாகனங்களில் செல்வோர் மீதும் விழுகிறது. எனவே குப்பை கீழே விழா வகையில், வாகனங்களுக்கு வலையை போடலாமே. ரயில்வே மேம்பால சுவரில் விரிசல்: தலைவாசல், பட்டுத்துறையில் இருந்து நாவக்குறிச்சி செல்லும் சாலை குறுக்கே, சேலம்-விருதாச்சலம் ரயில் பாதை செல்கிறது. பட்டுத்துறை பஸ் நிறுத்தம் அருகில், ரயில்வே உயர்மட்ட பாலம் உள்ளது. இதன் மேல்பகுதியில் உள்ள தடுப்புச்சுவரில், பெரிய அளவில் விரிசல் ஏற்பட்டுள்ளது. சுவர் சற்று சாய்வான நிலையில் இருப்பதால், ரயில் செல்லும் அதிர்வினால் சரிந்து விழும் அபாயம் உள்ளது. விரிசலை சரி செய்ய நடவடிக்கை எடுக்க வேண்டும்.
மூடாத ஆழ்துளை கிணறால் ஆபத்து: கொளத்தூர், காவேரிபுரம் ஊராட்சி, மேட்டூர்-மைசூரு நெடுஞ்சாலையில், சிவிலிகரடு பாலம் அருகே, வாஞ்சிநகர் செல்லும் சாலையோரம், சில ஆண்டுகளுக்கு முன்பு, அரசு சார்பில் ஆழ்துளை கிணறு தோண்டப்பட்டது. தண்ணீர் இல்லை என காரணம் கூறி, அந்த ஆழ்துளை கிணற்றை முறைப்படி மூடாமல், கல் வைத்து மூடி வைத்துள்ளனர். அந்த கல்லை அகற்றும் பட்சத்தில், குழந்தைகள் குழியில் விழுந்து பாதிக்கும் அபாயம் உள்ளது.
மண்குவியலால் சறுக்கும் வாகனங்கள்: மகுடஞ்சாவடி, காளிகவுண்டம் பாளையம் பிரிவு தாபா அருகே, சேலம்- கோவை தேசிய நெடுஞ்சாலையில், சில ஆண்டுகளாக பல மீட்டர் தூரத்திற்கு மண் பரவி காணப்படுகிறது. இதனால் இருசக்கரவாகன ஓட்டிகள், வெள்ளை கோட்டை கடந்து நான்கு சக்கரவாகனங்கள் செல்லும் பாதையில் செல்வதால், அடிக்கடி விபத்தில் சிக்குகின்றனர். குறிப்பாக இரவு நேரங்களில், இருசக்கரவாகன ஓட்டிகள் மண்ணில் சறுக்கி கீழே விழுகின்றனர்.
பயன்பாட்டுக்கு வராத நூலக கட்டடம்: கொங்கணாபுரத்தில், 2009ம் ஆண்டு நூலக கட்டடம் கட்டப்பட்டது. இன்னும் திறக்கப்படவில்லை. ஜன்னல், கதவு, அதனுள்ளே உள்ள புத்தக மர அடுக்குகள் உடைந்துள்ளன. நூலகத்திற்காக கட்டப்பட்ட இக்கட்டடம், பயன்படுத்தாமலேயே உள்ளதால் சிதிலமடைந்துள்ளது. இதனால், அப்பகுதியில் உள்ள வாசகர்கள் மற்ற பகுதியில் உள்ள நூலகங்களுக்கு சென்று வருகின்றனர். அதனால், இனியாவது, நூலக கட்டடத்தை சரிசெய்து பயன்பாட்டுக்கு கொண்டு வருவது அவசியம்.
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.
4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நாங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியிடப்படுகின்றன. இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
