உள்ளாட்சி தேர்தல் : தலைவர்கள் என்ன சொல்கிறார்கள்?| Dinamalar

அரசியல் செய்தி

தமிழ்நாடு

உள்ளாட்சி தேர்தல் : தலைவர்கள் என்ன சொல்கிறார்கள்?

Updated : டிச 02, 2019 | Added : டிச 02, 2019 | கருத்துகள் (3)

இந்த செய்தியை கேட்க

சென்னை : தமிழக ஊரக உள்ளாட்சி தேர்தல் தேதிகள் இன்று (டிச.,02) அறிவிக்கப்பட்டன. நகர்புற உள்ளாட்சிகளுக்கு தேர்தல் தேதி பின்னர் அறிவிக்கப்படும் என தெரிவிக்கப்பட்டுள்ளது. இதற்கு எதிர்க்கட்சிகள் எதிர்ப்பு தெரிவித்துள்ளனர்.





உள்ளாட்சி தேர்தல் தேதி அறிவிப்பு தொடர்பாக பல்வேறு கட்சிகளை சேர்ந்த தலைவர்களின் கருத்துக்கள் :

திமுக தலைவர் ஸ்டாலின் : மக்களின் பேராதரவுடன் ஊரக உள்ளாட்சி அமைப்புகளின் தேர்தலில் மாபெரும் வெற்றியைக் குவிப்போம். உள்ளாட்சி தேர்தலில் அதிமுக முகத்தில் கரியை பூச திமுக தயாராக உள்ளது.

திமுக துரைமுருகன் : நகர்ப்புற பகுதிகளுக்கும் தேர்தலை அறிவித்திருக்க வேண்டும், ஊரக பகுதிக்கு மட்டும் தனியே தேர்தல் என்பது முறைகேடு நடக்க வழிவகுக்கும். உள்ளாட்சி தேர்தல் அறிவிப்புக்கு எதிராக உச்சநீதிமன்றத்தை நாடுவது குறித்து இன்று மாலை முடிவு செய்யப்படும்.





அமைச்சர் கடம்பூர் ராஜூ : உள்ளாட்சி தேர்தலை 2 பிரிவுகளாக நடத்த பஞ்சாயத்து ராஜ் சட்டம் அனுமதிக்கிறது. அதன் அடிப்படையில் தேர்தல் அறிவிப்பு வெளியிடப்பட்டுள்ளது.

பா.ஜ., வானதி சீனிவாசன் : உள்ளாட்சி தேர்தல் தேதி அறிவிக்கப்பட வேண்டும் என்பது பா.ஜ,வின் கோரிக்கை. ஊரக உள்ளாட்சி தேர்தல் தேதி அறிவிக்கப்பட்டதை பாஜக வரவேற்கிறது.

மதிமுக வைகோ : ஊரக பகுதிகளுக்கு மட்டும் உள்ளாட்சி தேர்தல் தேதி அறிவிக்கப்பட்டிருப்பது அதிமுக அரசின் வஞ்சக செயல். இது ஜனநாயக படுகொலை.

திமுக தங்கதமிழ்செல்வன்: புதிய மாவட்டங்களுக்கான வரையறை இல்லாததாலும், உச்சநீதிமன்றத்தில் வழக்கு இருப்பதாலும், அறிவிக்கப்பட்ட தேதியில் தேர்தல் நடைபெறுவது கேள்விக்குறியே. அதிலும், ஊரக பகுதிகளுக்கு மட்டும் உள்ளாட்சி தேர்தல் அறிவிக்கப்பட்டதில் உள்நோக்கம் இருப்பதாக கருதுகிறேன்.

புதிய தமிழகம் கிருஷ்ணசாமி: மறைமுக தேர்தல் என்பது பஞ்சாயத்ராஜ் சட்டத்திற்கு எதிரானது. இதுவரையில் உள்ளாட்சி தேர்தல் ஒரே கட்டங்களாக தான் நடைபெற்றது. அந்த நடைமுறையை உடைத்து பல கட்டங்களாக நடத்தக்கூடாது.


Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X