கோயம்பேடு : மல்லிகைப்பூ சீசன் முடிந்ததால், பூ வரத்து குறைந்து, 1 கிலோ மல்லிகை பூ, 1,200 ரூபாய்க்கு விற்பனையாகிறது.

கோயம்பேடு மார்க்கெட்டிற்கு, பல்வேறு மாவட்டங்களில் இருந்து, மல்லிகைப்பூ வரத்து உள்ளது. முகூர்த்த நாட்கள் மற்றும் பண்டிகை காலங்களில், பூ விலை உச்சத்தில் இருக்கும். 100 டன் பூ வந்த நிலையில், தற்போது, 1 டன்னுக்கும் குறைவாக வருகிறது.இதையடுத்து, நேற்றைய நிலவரப்படி, விலை அதிகரித்து, 1 கிலோ மல்லிகைப்பூ, 1,000 - 1,200 ரூபாய் வரை விற்பனையானது.

இதைபோல், முல்லை, கனகாம்பரம் ஆகிய பூக்களின் விலையும், கணிசமாக அதிகரித்துள்ளது.ஜாதிமல்லி கிலோ, 450 ரூபாய்க்கும், கனகாம்பரம் கிலோ, 600 ரூபாய்க்கும், முல்லை கிலோ, 700 ரூபாய்க்கும் விற்பனையாகிறது.