ரோட்டில் தேங்கும் மழைநீர் குடிநீரில் கலக்கும் கழிவுநீர் :ஏரிக்கரை தோட்டத்தில் அவதி

Added : டிச 03, 2019
Advertisement

மதுரை மதுரை கே.கே.நகர் ஏரிக்கரை தோட்டத்தில் குண்டும் குழியுமான ரோடுகளில் தேங்கிய மழைநீர், பாதாள சாக்கடையில் ஏற்படும் அடைப்பால் குடிநீரில் கலக்கும் கழிவுநீரால் குடியிருப்போர் அவதிக்குள்ளாகின்றனர்.ஏரிக்கரை தோட்டம் குடியிருப்போர் நலச்சங்க நிர்வாகிகள் கனகவேல் மனோகரன், பெரிய கருப்பன், வீரு செட்டி, ஜெயபிரகாசம், சித்தையா, பாலகிருஷ்ணன், கோமதியம்மாள் கூறியதாவது: பல ஆண்டுகளுக்கு முன் அமைத்த தார் ரோடு கற்கள் மேடு, பள்ளமாகவுள்ளது. சிறிய மழை பெய்தால் ரோட்டில் குளமாக மழைநீர் தேங்குகிறது. ஒதுங்கி நடக்க கூட ரோட்டோரங்களில் இடமில்லை.இங்கு தேங்கும் மழைநீர் வண்டியூர் கண்மாயில் கலக்கும் வகையில் அமைந்துள்ள கால்வாய்களை சீரமைத்தால் இதற்கு தீர்வு கிடைக்கும். கடந்த வாரம் பள்ளி மாணவி, முதியவர் ஒருவர் பள்ளத்தில் தடுமாறி விழுந்தனர். புதிதாக வரும் வாகன ஓட்டிகள் பள்ளம் இருப்பது தெரியாமல் விபத்தில் சிக்குகின்றனர். அரசியல் தலையீடுகளால் அதிகாரிகள் ரோடு அமைக்க ஆர்வம் காட்டவில்லை. பாதாள சாக்கடை இணைப்பு குழாய்கள் சிறிதாக உள்ளதால் கழிவுநீர் வெளியேறுகிறது. குடிநீரில் கழிவுநீர் கலப்பதால் தொற்று நோய் பரவும் அபாயம் உள்ளது.தெருவிளக்குகள் எரியாததால் இருட்டாக இருப்பதால் வழிப்பறி நடக்கின்றன. தெருக்களில் திரியும் நாய்கள் நடந்து செல்வோரை விரட்டுகின்றன. மாநகராட்சி அதிகாரிகளிடம் பல முறை இதுகுறித்து புகார் மனு கொடுத்தும் நடவடிக்கை இல்லை, என்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X