சரக்கு வாகனங்களில் சவாரி கண்டுகொள்ளாத அதிகாரிகள்

Added : டிச 03, 2019
Advertisement

வால்பாறை:வால்பாறை நகர் மற்றும் எஸ்டேட் பகுதியில் சரக்கு வாகனங்களில் விதிமுறைகளை மீறி, சாகச பயணம் மேற்கொள்வது அதிகரித்து வருகிறது.வால்பாறையில் தேயிலை தொழில் பிரதான தொழிலாக உள்ளது. வால்பாறை நகரிலிருந்து பல்வேறு எஸ்டேட் பகுதிகளுக்கு செல்லும் பெரும்பாலான தொழிலாளர்கள், சரக்கு வாகனங்களில் பணிக்கு செல்கின்றனர். அதே போல் கட்டட பணிக்காக செல்லும் தொழிலாளர்களும், சரக்கு வாகனங்களில் பயணம் செய்கின்றனர். வளைந்து நெளிந்து செல்லும் வால்பாறை மலைப்பாதையில், சரக்கு வாகனங்களில் தொழிலாளர்களை ஏற்றி செல்வதை, வட்டார போக்குவரத்து துறை அதிகாரிகளும் கண்டு கொள்வதில்லை. எஸ்டேட் பகுதியில் கரடு, முரடான குறுகலான ரோடுகளில். சரக்கு வாகனங்களில் செல்வது பாதுகாப்பு இல்லை. பல நேரங்களில், டிராக்டர் உள்ளிட்ட வாகனங்கள் கவிழ்ந்து விபத்தும் ஏற்படுகிறது.எனவே, வால்பாறை மலைப்பகுதியில், சரக்கு வாகனத்தில் விதிமீறி ஆட்களை ஏற்றிச் செல்வோர் மீது போக்குவரத்து துறையினர் நடவடிக்கை எடுக்க வேண்டும் என்று சமூக ஆர்வலர்கள் வலியுறுத்தியுள்ளனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X