சோனியா குடும்ப பாதுகாப்பு வாபஸ் ஏன்? அமித்ஷா விளக்கம்

Updated : டிச 03, 2019 | Added : டிச 03, 2019 | கருத்துகள் (59)
Advertisement

இந்த செய்தியை கேட்க


புதுடில்லி: எஸ்.பி.ஜி., (சிறப்பு பாதுகாப்பு குழு ) சட்ட பிரிவில் மாற்றம் கொண்டு வருவதற்கான விவாதம் இன்று (டிச.,03) ராஜ்யசபாவில் நடந்தது. விவாதம் துவங்கியதும், காங்கிரஸ் எம்.பி.,க்கள் சோனியா குடும்பத்திற்கு எஸ்.பி.ஜி., வாபஸ் பெறப்பட்டது குறித்து கேள்வி எழுப்பினர். தலைவர்களின் பாதுகாப்பு விஷயத்தில் பா.ஜ., அரசு அரசியல் செய்கிறது என காங்., எம்.பி,. விவேக்தன்கா கூறினார்.






தொடர்ந்து இதற்கு பதில் அளித்த உள்துறை அமைச்சர் அமித்ஷா பேசுகையில்; எஸ்.பி.ஜி., என்பது தலைவர்களின் தரத்தை காட்டி கொள்ளும் அடையாளமாக இருக்க எதிர்கட்சிகள் ஆசைப்படுகின்றன. பாதுகாப்பு என்பது சாதாரண குடிமகனுக்கும் வழங்குவது அரசின் கடமை. தற்போது பிரதமர் மோடிக்கு மட்டும் இந்த பாதுகாப்பு, நடைமுறையில் உள்ளது. இதுவும் இன்னும் 5 ஆண்டுகளில் நீக்கப்பட்டு விடும். கடந்த கால பிரதமர்கள், நரசிம்மராவ், மன்மோகன்சிங் உள்ளிட்டவர்களுக்கான சிறப்பு பாதுகாப்பு குழு வாபஸ் பெறப்பட்டுள்ளது.






இவ்வாறு இருக்கும்போது சோனியா குடும்பத்தினருக்கான சிறப்பு பாதுகாப்பு குழு வாபஸ் பெறப்பட்டதும் இது கேள்வி கேட்கப்படுகிறது, விமர்சனம் வருகிறது. நாங்கள் வாரிசு அரசியலை ஏற்கமாட்டோம். இது சோனியா குடும்பத்திற்கானது அல்ல. அரசியல் பழிவாங்கும் நோக்கம் என காங்கிரஸ் விமர்சிக்கிறது. இது குறித்து பேச காங்கிரசுக்கு எவ்வித அருகதையும் இல்லை. பிரியங்கா வீட்டில் கார் புகுந்தது தொடர்பாக உயர்மட்ட விசாரணைக்கு உத்தரவிடப்பட்டுள்ளது. இவ்வாறு அமித்ஷா பேசினார்.






ராஜ்சபாவில் நிறைவேற்றம்



அதன் பின்னர், எஸ்.பி.ஜி., ( சிறப்பு பாதுகாப்பு குழு ) சட்ட பிரிவில் மாற்றம் கொண்டு வருவதற்கான சட்ட திருத்தம் குரல் ஓட்டெடுப்பின் மூலம் நிறைவேற்றப்பட்டது. ஆனால் காங்., உறுப்பினர்கள் அவையில் இருந்து வெளிநடப்பு செய்தனர்.


கடந்த சில நாட்களுக்கு முன்னர் சோனியாவின் மகள் பிரியங்கா வீட்டின் அருகே உள்ள தோட்டத்திற்குள் ஒரு கார் புகுந்தது. இதில் சிலர் பிரியங்காவுடன் செல்பி எடுக்க ஆசைப்பட்டு வந்ததாக கூறப்பட்டது. இருப்பினும் இது பாதுகாப்பு குளறுபடி என காங்கிரசார் விமர்சித்தனர் .

Advertisement




வாசகர் கருத்து (59)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ganapati sb - coimbatore,இந்தியா
04-டிச-201910:50:55 IST Report Abuse
ganapati sb சோனியா மன்மோகனை பிரதமராக்கியதால் சீக்கியர்களால் அச்சமில்லை பிரியங்கா ltte நளினியை சந்தித்து விட்டதால் திமுகவோடு கூட்டணி வைத்து விட்டதால் ltte யால் அச்சமில்லை ராபர்ட் வட்ரா கிறிஸ்தவர் என்பதால் மிஷனரிகளால் அச்சமில்லை ராகுல் இஸ்லாமியர் பெரும்பான்மையான வயநாட்டில் வென்று விட்டதால் ஜிஹாதிகள் அச்சமில்லை ஆகையால் முன்பு பஞ்சாபி பிரச்சனைக்கு முற்று புள்ளி வைத்த முன்னாள் பிரதமர் நரசிம்மராவ் பாதுகாப்பு காங்கிரெஸ் விலக்கியது போல இப்போது ltte பிரச்சனைக்கு முற்று புள்ளி வைத்த சோனியா ப்ரிண்ய்ங்க ராபர்ட் ராகுல் உள்ளிட்ட முன்னாள் பிரதமர் ராஜிவ் குடும்பத்திற்கு கூடுதல் பாதுகாப்பை காஸ்மீர் பிரச்சனைக்கு முற்று புள்ளி வைத்த பாஜக விலக்குவது தவறில்லை .
Rate this:
Share this comment
Cancel
Darmavan - Chennai,இந்தியா
04-டிச-201906:08:35 IST Report Abuse
Darmavan ஒரு தனிப்பட்ட குடும்பத்துக்கு என்ன இவ்வளவு முக்கியத்துவம்.நாட்டி உள்ள எல்லோருக்கும் இது கிடைக்கிறதா .மக்கள் வரிப்பணத்தில் வாழும் இந்தப்பிறவிகள் வெட்கப்பட வேண்டும் .தீவிரவாத அச்சுறுத்தல் உள்ள உள்துறை அமைச்சர் மிட்ஷாவுக்கு கூட இந்த வசதி இல்லை.யார் இந்த பிரியங்கா./வதேரா.எதனை தலைமுறைக்குஇந்த நாடு நேரு குடும்பத்துக்கு கடன் பட்டிருக்கிறது.
Rate this:
Share this comment
Cancel
meenakshisundaram - bangalore,இந்தியா
04-டிச-201904:07:26 IST Report Abuse
meenakshisundaram முன்பு பிரதமருக்கு மட்டுமே இருந்த பாதுகாப்பு அமைப்பு ராஜிவ் கொலையினால் அவரின் குடும்பத்துக்கு விஸ்தரிக்கப்பட்டது .அது அப்போ நடந்த ஒரு ஸ்பெஷல் .இப்போ அது விலக்கப்பட்டுள்ளதை அரசியல் ஆக்க வேண்டாம் .Rajiv கொலையாளிகளையே விடுவிக்க வேண்டும் என்று போராடுபவர்கள் அந்த குடும்பத்துக்கு ஏன் இதை டிமாண்ட் செய்கிறார்கள். அதிலும் இந்திரா Gandhi மேல் தாக்குதல் செய்த திமுக ,ராஜிவ் கொலை வழக்கில் சந்தேகமான முறையில் நடந்து கொண்ட கட்சி.இது இன்று பாராளுமன்றத்தில் அவங்களுக்கு பாதுகாப்பு வேண்டும் என்று கூவுதல் சரியா?-வைகோ கூட இது பற்றி மேலவையில் கூறலாம் ,திமுகவின் பழைய நிலை பற்றி ,செய்வாரா?அவரே பாராளுமன்றத்தில் Subramaniam சாமியை மிரட்டவில்லையா?உண்மையிலேயே 'யாரிடமிருந்து யாருக்கு பாதுகாப்பு வேண்டும்?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X