ஆபாச வீடியோ பார்த்தால் கைது; கிடுக்கிப்பிடிக்கு போலீஸ் தயார்| Dinamalar

சம்பவம் செய்தி

தமிழ்நாடு

ஆபாச வீடியோ பார்த்தால் கைது; 'கிடுக்கிப்பிடி'க்கு போலீஸ் தயார்

Updated : டிச 04, 2019 | Added : டிச 04, 2019 | கருத்துகள் (74)
ஆபாச வீடியோ, பார்த்தால், கைது, கிடுக்கிப்பிடி, போலீஸ், தயார்

இந்த செய்தியை கேட்க

சென்னை: ''குழந்தைகள் தொடர்பான ஆபாச படம் மற்றும் வீடியோ பார்த்தவர்களின் பட்டியல் தயாரிக்கப்பட்டு வருகிறது. அவர்கள், விரைவில் கைது செய்யப்படுவர்,'' என, பெண்கள் மற்றும் குழந்தைகளுக்கு எதிரான குற்றத்தடுப்பு பிரிவு, கூடுதல் டி.ஜி.பி., ரவி கூறினார்.

அவர் அளித்த பேட்டி: குழந்தைகள் தொடர்பான ஆபாச படங்கள் மற்றும் வீடியோக்களை பார்ப்பது சட்டப்படி குற்றம். ஆபாச படம் மற்றும் வீடியோக்களை, மொபைல் போன், லேப்டாப் உள்ளிட்ட சாதனங்களில் வைத்திருப்பதும், அது தொடர்பான, 'லிங்க்'களை பதிவிறக்கம் செய்வதும் குற்றம். இதுபோன்ற குற்றங்களில் ஈடுபடுவோர், தகவல் தொழில் நுட்பம் மற்றும், 'போக்சோ' சட்டத்தின் கீழ் கைது செய்யப்படுவர். இவர்களுக்கு, மூன்று முதல் ஏழு ஆண்டுகள் வரை, சிறை தண்டனை கிடைக்கும்.

தமிழகத்தில் குழந்தைகள் தொடர்பான ஆபாச படங்கள் பார்த்தவர்கள் பட்டியல் தயாரிக்கப்பட்டு வருகிறது. அவற்றில், சென்னையில் அதிகம் பேர், பெண்கள் மற்றும் குழந்தைகளின் ஆபாச படங்கள், வீடியோக்கள் பார்த்து இருப்பது தெரிய வந்துள்ளது. அவர்கள், எந்த மாதிரியான வீடியோக்கள் மற்றும் படங்களை பார்த்தனர் என்பதையும் கண்டறிந்துள்ளோம். அவர்களின் புகைப்படம், வீட்டு முகவரி உள்ளிட்ட விபரங்களை, அவர்கள் வசிப்பிடத்திற்கு அருகிலுள்ள, காவல் நிலையங்களுக்கு அனுப்பி வைக்க உள்ளோம்.





குழந்தைகள் தொடர்பான ஆபாச வீடியோ மற்றும் படம் பார்த்தவர்கள் விரைவில் கைது செய்யப்பட்டு, சட்டத்தின் முன் நிறுத்தப்படுவர். மேலும், அவர்களுக்கு, 'கவுன்சிலிங்' அளிக்கவும் முடிவு செய்துள்ளோம். இவ்வாறு, ரவி கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X