சம்பவம் செய்தி

தமிழ்நாடு

மதுரை காமராஜ் பல்கலை பதிவாளர் நியமனத்தில் இழுபறி

Added : டிச 04, 2019
Advertisement

மதுரை : மதுரை காமராஜ் பல்கலையில் ரெகுலர் பதிவாளர் பணியிடம் பல மாதங்களாக காலியாக உள்ளதால் எழும் சர்ச்சைகளுக்கு முற்றுப்புள்ளி வைக்க விரைவில் புதிய பதிவாளர் நியமிக்க வேண்டும் என பேராசிரியர்கள் வலியுறுத்துகின்றனர்.

இப்பல்கலை பதிவாளராக இருந்த சின்னையா பதவிக்காலம் 2019 ஜூன் 9 ல் முடிவுற்றது. பொறுப்பு பதிவாளராக சுதா நியமிக்கப்பட்டார். இதற்கிடையே பதிவாளர் பதவியை நிரப்ப ஜூனில் அறிவிப்பு வெளியானது. விண்ணப்பித்தவர்களில் 20 பேர் நேர்காணலுக்கு அழைக்கப்பட்டனர்.ஆனால், 'பதிவாளர் தேர்வு கமிட்டியில் அரசு பிரதிநிதி இடம்பெற வேண்டும், துணைவேந்தர் தலைமையிலான தேர்வு கமிட்டிக்கு சிண்டிகேட் ஒப்புதல் பெற வேண்டும்' என போன்ற காரணங்களால் இருமுறை நேர்காணல் நிறுத்தி வைக்கப்பட்டது.புதிய பதிவாளர் நியமிக்கும் வரை சுதாவே தொடர சிண்டிகேட் ஒப்புதல் அளித்தது.

இதற்கிடையே, 'பல்கலை விதிப்படி 58 வயதான அவர் பதிவாளர் பொறுப்பில் இருக்கக் கூடாது' என பல்கலை நிர்வாகப்பணியாளர்கள் சங்கம் துணைவேந்தரிடம் மனு அளித்து சர்ச்சையை கிளப்பியது.ஆனால் இதற்கு முன் அழகப்பன், ஆறுமுகம், ஹரிஹரன், முத்துமாணிக்கம், பிச்சுமணி உட்பட பலர் 58 வயதை கடந்தும் அவசியம் கருதி 'பொறுப்பு' பதிவாளர்களாக நீடித்துள்ளனர் என்பது குறிப்பிடத்தக்கது.'மூபா' மனுபல்கலை விதியின்படி மக்கள் தொடர்பு அலுவலர் பணியிடத்தில் உதவி பதிவாளர் நிலையிலும், ரூ.53 கோடி மதிப்பிலான 'ரூசா' திட்ட ஒருங்கிணைப்பாளர் பணியிடத்தில் பேராசிரியர் நிலையிலும் அதிகாரிகளை நியமிக்க வேண்டும்.

ஆனால் முறையே கண்காணிப்பாளர், உதவி பேராசிரியர் நிலையில் நியமிக்கப்பட்டுள்ளனர். என்.எஸ்.எஸ்., ஒருங்கிணைப்பாளராக இணை பேராசிரியரை நியமிக்க வேண்டும். அதில் உதவி பேராசிரியர் பொறுப்பில் உள்ளார். இப்பணியிடங்களும் மாற்றம் செய்ய வேண்டும் என பல்கலை பேராசிரியர்கள் சங்கம் (மூபா) மனு அளித்துள்ளது.என்ன அவசரம் வந்ததுபுதிய பதிவாளர் தேர்வு கமிட்டியில் கவர்னர் பிரதிநிதியாக ராமச்சந்திரா மருத்துவ பல்கலை பேராசிரியர் சத்திய நாராயணமூர்த்தி நியமிக்கப்பட்டுள்ளார்.

துணைவேந்தர் கிருஷ்ணன் தலைமையில் ஏழு நபர் குழு தேர்வு செய்யப்பட்டு நேர்காணல் நடந்தால் புதிய பதிவாளர் நியமிக்கப்படுவார். அதற்குள் பொறுப்பு பதவியில் உள்ளவரை மாற்றி மீண்டும் ஒருவருக்கு 'பொறுப்பு' வழங்குவதற்கு என்ன அவசரம் வந்துவிட்டது.இந்நிலையில் உள்ளாட்சி தேர்தல் அறிவிக்கப்பட்டுள்ளதால் டிச.,2 முதல் நன்னடத்தை விதிமுறை அமலுக்கு வந்துள்ளது. இதனால் புதிய நியமனம், பதவி உயர்வு வழங்குவதற்கும் சாத்தியமில்லை.

எனவே சுதா பொறுப்பு வகிப்பதே சர்ச்சைகளுக்கு தீர்வாக இருக்கும்.ஏன் இந்த இழுபறி பதிவாளர் தேர்வு கமிட்டியில் கவர்னர் பிரதிநிதி நியமிக்கப்பட்டு 15 நாட்களுக்கு மேல் ஆகிவிட்டது. துணைவேந்தர் தேர்வு செய்யும் 3 கல்வியாளர் குழு உட்பட ஏழு பேர் குழு தேர்வு செய்யப்பட்ட பின் நேர்காணல் நடத்தலாம். ஆனால் ஏன் தாமதம் ஏற்படுகிறது என்பது 'மர்மமாக' உள்ளது.

அரசியல் தலையீடு உள்ளதா எனவும் கேள்வி எழுந்துள்ளது.தேர்தல் அறிவிப்புக்கு முன் பதிவாளர் நியமனப்பணி துவங்கியதால் நேர்காணல் நடத்துவதில் நன்னடத்தை விதி பொருந்தாது. விரைவில் புதிய பதிவாளரை தேர்வு செய்ய வேண்டும்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X