தமிழ்நாடு

கப்பலூர் டோல்கேட்டில் உள்ளூர் வாகன கட்டணம் ரத்து அமைச்சர் உதயகுமார் முயற்சியால் தீர்வு

Added : டிச 04, 2019
Advertisement

திருமங்கலம்: அமைச்சர் ஆர்.பி. உதயகுமார் முயற்சியால், திருமங்கலம் கப்பலுார் டோல்கேட் பிரச்னைக்கு தீர்வு காணப்பட்டது.திருமங்கலம், கப்பலுார்,வாகனங்கள் டோல்கேட்டில் இலவசமாக சென்று வந்தன. ஆனால் கடந்த சில வாரங்களாக கட்டணம் வசூலிக்கப்பட்டது. மேலும் கல்லுப்பட்டி ரோட்டில் செல்லும்வாகனங்களிடமும் வசூலிக்கப்பட்டது.இதனால் கப்பலுார் டோல்கேட்டை மாற்ற வேண்டும், கல்லுப்பட்டி பாதையை தனியாக காட்ட வேண்டும், அல்லது திருமங்கலம் கப்பலுார், பேரையூர், டி.கல்லுப்பட்டி வாகனங்களுக்கு கட்டணம் விலக்கு அளிக்க வேண்டும் என்ற கோரிக்கை வைக்கப்பட்டது. ஆர்.டி.ஓ., முருகேசன் தலைமையில் நடந்த பேச்சுவார்த்தையை டோல்கேட் நிர்வாகத்தினர்மதிக்காததால், டோல்கேட் முற்றுகை போராட்டம் அறிவிக்கப்பட்டது. போராட்டக்குழுவினர் மற்றும் கப்பலுார் தொழிற்சங்கத்தினர் அமைச்சர் உதயகுமாரிடம் பிரச்னையை எடுத்துக்கூறினர். அவரது உத்தரவையடுத்து நேற்று கலெக்டர் வினய் தலைமையில் பேச்சுவார்த்தை நடந்தது. இதில் எஸ்.பி., மணிவண்ணன், தேசிய நெடுஞ்சாலை ஆணைய திட்ட இயக்குனர் சரவணன் மற்றும் கட்சி பிரதிநிதிகள்,அமைப்புக்களின் நிர்வாகிகள் கலந்துகொண்டனர். இதில் தேசிய நெடுஞ்சாலை 208 க்கு செல்லும் பாதை குறித்து கலெக்டர்தலைமையில் விரைவில்ஆய்வு நடத்தவும், ஏற்கனவே உள்ள நடைமுறைபடி திருமங்கலம், கப்பலுார், பேரையூர், டி.கல்லுப்பட்டி வாகனங்கள் உரிய அடையாள அட்டையை காண்பித்துவிட்டு கட்டணமின்றி பயணிக்கலாம் என்றும் தெரிவிக்கப்பட்டது.கப்பலுார் சிட்கோ உரிமையாளர்கள் சங்க தலைவர் ரகுநாதராஜா கூறும் போது, அமைச்சர் உதயகுமார் தலையீட்டால் தீர்வு கிடைத்துள்ளது. அமைச்சருக்கு நன்றி, என்றார்.போராட்ட ஒருங்கிணைப்பு குழு தலைவர் வேம்பு வேந்தன் கூறும் போது, திருமங்கலம் நகர் வாகனங்களுக்கு மீண்டும் கட்டண ரத்து பெற்றுக்கொடுத்த அமைச்சர் உதயகுமாருக்கு நன்றியை தெரிவிக்கிறோம் என்றார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X