வெங்காயம் சாப்பிடாத நிர்மலா: சிதம்பரம் காட்டம்

Updated : டிச 05, 2019 | Added : டிச 05, 2019 | கருத்துகள் (101)
Advertisement
சிதம்பரம், ப.சிதம்பரம், பொருளாதாரம், மந்தநிலை, மத்திய அரசு

இந்த செய்தியை கேட்க

புதுடில்லி: '' வெங்காயம் சாப்பிடவில்லை எனக் கூறும் நிதியமைச்சர் நிர்மலா என்ன சாப்பிடுகிறார்? பட்டர் புரூட் (அவகோடா) சாப்பிடுகிறாரா? என முன்னாள் நிதியமைச்சர் சிதம்பரம் கேள்வி எழுப்பியுள்ளார்.

ஐ.என்.எக்ஸ்., மீடியா மோசடி வழக்கில் உச்சநீதிமன்றம் ஜாமின் வழங்கியதை தொடர்ந்து , முன்னாள் நிதியமைச்சர் சிதம்பரம் திஹார் சிறையில் இருந்து வெளியில் வந்துள்ளார். தொடர்ந்து இன்று (டிச.,5) பார்லி நடவடிக்கைகளில் பங்கேற்றார். தொடர்ந்து வெங்காய விலை உயர்வுக்கு எதிராக பார்லி வளாகத்தில் போராட்டம் நடந்தது. இதில் சிதம்பரமும் பங்கேற்றார்.

பின்னர் அவர் நிருபர்களிடம் கூறுகையில், வெங்காயம் சாப்பிடவில்லை என நிதியமைச்சர் நிர்மலா கூறுகிறார். அப்படியென்றால், அவர் என்ன சாப்பிடுகிறார்? அவர் பட்டர்புரூட் சாப்பிடுகிறாரா? என்றார்.


பொருளாதார நிலை


பின்னர் சிதம்பரம் நிருபர்களை சந்தித்தார். அப்போது அவர் கூறியதாவது: 106 நாட்களுக்கு பிறகு நான் உங்களை சந்திக்கிறேன். 75 லட்சம் காஷ்மீர் மக்களின் சுதந்திரம் பறிக்கப்பட்டுள்ளது. நமது சுதந்திரத்திற்காக போராட வேண்டியுள்ளது. நிலுவையில் உள்ள வழக்குகள் குறித்து நான் கருத்து கூறுவது இல்லை. அமைச்சராக இருந்த போது எனது செயல்பாடுகளில் எந்த குற்றமும் இல்லை.

பொருளாதாரத்திற்கு வழி தெரியாததால், அரசுதவறான நடவடிக்கைகளை எடுத்து வருகிறது. பிரதமர் அலுவலகம் தவறான முடிவை எடுத்து வருகிறது. நாட்டின் பொருளாதார நிலை மோசமாக உள்ளது. நாட்டின் பொருளாதாரம் எதிர்கொண்டுள்ள பிரச்னைகளை பா.ஜ., அரசால் யூகிக்க முடியவில்லை. பண மதிப்பிழப்பு ஜிஎஸ்டி வரி பயங்கரவாதம் ஆகியவைகளால் பொருளாதாரம் பாதிக்கப்பட்டுள்ளது. பொருளாதார வளர்ச்சி விகிதம் 8 ல் இருந்து 5.5 ஆக குறைந்துள்ளது. பொருளாதாரத்தை நிர்வகிக்க தெரியாத அரசாக மாறியுள்ளது.பிரதமர் மோடி நாட்டின் பொருளாதாரம் குறித்து பேசுவது இல்லை. நல்ல நாள் வரும் என பாஜ., வாக்குறுதி இந்த நிலையை ஏற்படுத்தியுள்ளது.





உற்பத்தி, சிறுகுறு தொழில், கட்டமைப்பு உள்ளிட்ட அனைத்து துறைகளிலும் வீழ்ச்சி ஏற்பட்டுள்ளது. சிறு குறு நிறுவனங்கள் கடன் பெறுவதும் வீழ்ச்சியை சந்தித்துள்ளது. கிராமப்புறங்களில் வாங்கும் திறன் குறைந்துவிட்டது. பொருட்களின் மொத்த விலையும் உயர்ந்துள்ளது. மக்களிடம் வாங்கும் சக்தி குறைந்துள்ளது வருவாய் ஈட்டும் சக்தி குறைவு. மின் தேவை குறைவு காரணமாக மின் உற்பத்தி நிலையங்கள் மூடப்பட்டுள்ளன.அரசின் தெளிவற்ற நிலையே பொருளாதார மந்தநிலைக்கு காரணம். பொருளாதார மந்தநிலையில் இருந்து இந்த அரசால் மீள முடியாது.பொருளாதார வளர்ச்சி 5 சதவீதத்தை எட்டியதே நமது அதிர்ஷ்டம். இவ்வாறு அவர் கூறினார்.

Advertisement




வாசகர் கருத்து (101)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RajanRajan - kerala,இந்தியா
05-டிச-201922:25:03 IST Report Abuse
RajanRajan கல்லாப்பெட்டி அண்ணன் சாராயத்துக்கு ஊறுகாய் வேண்டும்னு சொல்லுறாரோ.
Rate this:
Share this comment
Cancel
venkat - chennai,இந்தியா
05-டிச-201920:56:41 IST Report Abuse
venkat மத்திய அமைச்சர் வெங்காயம் சாப்பிடாதது அவர் உணவு பழக்க வழக்கம். அதை யாரும் விமர்சிக்க உரிமை இல்லை. ஏராளமான ஜைனர்கள் வெங்காயம் மட்டுமல்லாது, முட்டைகோஸ் போன்றவற்றையும் சாப்பிடமாட்டார்கள். பல தென் இந்திய வைணவ குடும்பங்கள் வெங்காயம், பூண்டு, முருங்கை, முள்ளங்கி, சுரைக்காய், பீர்க்கங்காய் போன்றவற்றை சாப்பிட மாட்டார்கள். அது அவர்களின் தனிப்பட்ட விஷயம். பசி போல் மக்களின் வரி பணத்தை சாப்பிட்டு ஏப்பம் விட்டால் தான் தவறு.
Rate this:
Share this comment
A P - chennai,இந்தியா
09-டிச-201914:09:20 IST Report Abuse
A Pநமது சனாதன தர்மத்தின் படி , வெங்காயம், பூண்டு . முள்ளங்கி, முருங்கைக்காய், காரட், பீட்ருட், சுரைக்காய், முட்டக்கோஸ், பெருஞ்சீரகம், மசாலா பொருட்கள் முதலியவை நிஷித்தம் என்று ஒதுக்கப் பட்டிருப்பதினால் எங்களைப்போன்ற ஆசாரக் குடும்பங்களில் இவைகள் உணவில் சேர்க்கப் படுவதில்லை. நாங்கள் உடல் மற்றும் மன நோயின்றி தெய்வ பக்தியுடன், இருப்பதைக் கொண்டு திருப்தியாக வாழ்கிறோம். பிறரை மனம் நோகும்படி பேசுவதில்லை. அடிப்பதில்லை . துன்புறுத்துவதில்லை. சேற்றில் கல்லை வீசி அழுக்கடைவதில்லை. திரு ப.சி. அவர்களுக்கு ஆசை இருந்தால் எதைவேண்டுமானால் தின்னட்டும். ஆனால் ஒழுக்கத்துடன் இருப்பவர்களை இப்படி கொச்சைப்படுத்த வேண்டாமே . உங்கள் வீட்டிற்கு வந்த ஆசார குடும்பத்தினரை ஆசாரமாக வைத்துக் கொண்டிருக்கிறீர்களா என்று பாருங்கள் அதுவே புண்ணியம் சேர்க்கும் செயல்....
Rate this:
Share this comment
Cancel
dandy - vienna,ஆஸ்திரியா
05-டிச-201920:55:46 IST Report Abuse
dandy சீனாவில் இருந்து வெங்காயம் இறக்குமதி செய்தால் விலை குறைவு ....அனால் அது communist ..வெங்காயம்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X