9 மாவட்டங்களை தவிர்த்து உள்ளாட்சி தேர்தல் நடத்த அனுமதி

Updated : டிச 06, 2019 | Added : டிச 06, 2019 | கருத்துகள் (13)
Share
Advertisement
புதுடில்லி : 9 மாவட்டங்களை தவிர்த்து மற்ற மாவட்டங்களில் உள்ளாட்சி தேர்தல் நடத்த உச்சநீதிமன்றம் அனுமதி வழங்கியுள்ளது. பிரிக்கப்பட்ட மாவட்டங்களில் 4 மாதங்களில் தொகுதி வரையறை செய்து தேர்தல் நடத்த வேண்டும் என உத்தரவிட்டுள்ளது.தமிழகத்தில் ஊரகம் நகர்புறம் என இரு வகையான உள்ளாட்சி அமைப்புகளில் 1.50 லட்சம் பதவிகள் உள்ளன. இப்பதவிகளுக்கு தேர்தல் நடத்துவதற்கான ஏற்பாடுகளில்
உள்ளாட்சி தேர்தல், உச்சநீதிமன்றம், திமுக,

இந்த செய்தியை கேட்க

புதுடில்லி : 9 மாவட்டங்களை தவிர்த்து மற்ற மாவட்டங்களில் உள்ளாட்சி தேர்தல் நடத்த உச்சநீதிமன்றம் அனுமதி வழங்கியுள்ளது. பிரிக்கப்பட்ட மாவட்டங்களில் 4 மாதங்களில் தொகுதி வரையறை செய்து தேர்தல் நடத்த வேண்டும் என உத்தரவிட்டுள்ளது.

தமிழகத்தில் ஊரகம் நகர்புறம் என இரு வகையான உள்ளாட்சி அமைப்புகளில் 1.50 லட்சம் பதவிகள் உள்ளன. இப்பதவிகளுக்கு தேர்தல் நடத்துவதற்கான ஏற்பாடுகளில் மாநில தேர்தல் ஆணையம் கவனம் செலுத்தி வந்தது. இதற்காக 2011 மக்கள்தொகை கணக்கெடுப்பின்படி வார்டு வரையறை செய்யப்பட்டது. இடஒதுக்கீடு அடிப்படையில் ஒரு சில உள்ளாட்சி அமைப்புகள் மட்டுமே பிரிக்கப்பட்டன.இதற்கிடையே விழுப்புரம், காஞ்சிபுரம், திருநெல்வேலி, வேலுார், மாவட்டங்களை பிரித்து ஐந்து புதிய மாவட்டங்களை அரசு உருவாக்கிஉள்ளது. மேயர், நகராட்சி தலைவர், பேரூராட்சி தலைவர், பதவிகளுக்கு நேரடி தேர்தல் ரத்து செய்யப்பட்டு அவசர சட்டமும் பிறப்பிக்கப் பட்டது.


latest tamil news


ஊரக உள்ளாட்சிகளில் உள்ள ஒன்றிய கவுன்சிலர், ஊராட்சி தலைவர், ஊராட்சி வார்டு உறுப்பினர் பதவிகளுக்கு மட்டுமே மாநில தேர்தல் ஆணையம் 2ம் தேதி தேர்தல் அறிவிப்பை வெளியிட்டது. நிர்வாக காரணங்களுக்காக மேயர் உள்ளிட்ட நகர்புற உள்ளாட்சி பதவிகளுக்கு தேர்தல் நடத்தப்படவில்லை என மாநில தேர்தல் ஆணையர் பழனிசாமி விளக்கம் அளித்தார்.மாவட்ட கவுன்சிலர் பதவிக்கான தேர்தல் குறித்த அறிவிப்பையும் வெளியிடவில்லை. இது பெரும் குழப்பத்தை ஏற்படுத்தியது. அதனால் 'இடஒதுக்கீடு முறையை முறையாக பின்பற்ற வேண்டும். புதிய மாவட்டங்களில் வார்டு வரையறை செய்ய வேண்டும். அதன்பின்னரே உள்ளாட்சி தேர்தலை நடத்த வேண்டும்' என உச்ச நீதிமன்றத்தில் தி.மு.க. வழக்கு தொடர்ந்தது. இது அவசர வழக்காக நேற்று விசாரணைக்கு எடுத்து கொள்ளப்பட்டது. இரு தரப்பு வாதங்களை கேட்ட பின்னர், தீர்ப்பை நீதிபதிகள் இன்றைக்கு ஒத்திவைத்தனர்.

நீதிபதிகள் தங்களது தீர்ப்பில், புதிதாக பிரிக்கப்பட்ட 9 மாவட்டங்களை தவிர்த்து, தமிழகத்தின் மற்ற மாவட்டங்களில் உள்ளாட்சி தேர்தலை நடத்தலாம். 9 மாவட்டங்களில், வார்டு வரையறை முடியாத காரணத்தினால், அங்கு தேர்தல் நடத்த தடை விதிக்கப்படுகிறது. அங்கு 4 மாதங்களில் தொகுதி மறுவரையை முடித்து தேர்தல் நடத்த வேண்டும் என தீர்ப்பு வழங்கியுள்ளது.

Advertisement




வாசகர் கருத்து (13)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Raghunathan Nagarajan Ragu Naga - Atlanta,யூ.எஸ்.ஏ
06-டிச-201917:43:46 IST Report Abuse
Raghunathan Nagarajan Ragu Naga இந்த வெற்றி அதிமுக அரசுக்கு சாதகம் தான். ஆனாலும், 2021 ல் திரும்பவும் அதிமுக அரசே திரும்ப வெற்றி பெற்றால் இந்த பதவிகள் நீடிக்கும். ஒருகால் திமுக ஆட்சிக்கு வந்துவிட்டால், உள்ளாட்சிகள், நகராட்சி, மாநகராட்சிகள் கலைக்கப்பட்டுவிடும். பார்க்கலாம் திரு பழனிச்சாமியின் அதிர்ஷடத்தை.
Rate this:
Cancel
Rengaraj - Madurai,இந்தியா
06-டிச-201915:32:47 IST Report Abuse
Rengaraj எடப்பாடி தெரிந்துதான் ஊரக பகுதிகளுக்கு தேர்தல் என்று அறிவித்தார். தேர்தலை சந்திக்க அணைத்து கட்சிகளுக்கும் ஒரு விதமான நடுக்கம். ஆனாலும் சமாளிக்கிறார்கள். இங்கு பணம் செலவு செய்வது என்பதுதான் பெரிய பிரச்சினையே? வேட்பாளர்களுக்கும் ஒருவிதமான பயம்.ஏன் என்றால் அடுத்த பதினைந்து மாதத்தில் சட்ட சபை தேர்தல் வரும். அந்த சமயத்தில் இருக்கும் ஆட்சியாளர்கள் இந்த ஊராட்சி தலைவர்களை சம்பாதிக்க விடுவார்களா என்ற கேள்வியும் அந்த வேட்பாளர்களுக்கு இருக்கும்.
Rate this:
Cancel
arvind - coimbatore,இந்தியா
06-டிச-201915:30:16 IST Report Abuse
arvind மக்கள்தொகை நிரந்தர ஒன்றல்ல.. எதற்கெடுத்தாலும் நீதிமன்றம் என்றால்..
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X