பொது செய்தி

இந்தியா

ரோகித், ராகுல், கோஹ்லி விளாசல்: இந்தியா ரன் மழை

Added : டிச 11, 2019
Advertisement
INDvsWESTIND, இந்தியா, ரன்மழை, விண்டீஸ்

மும்பை: விண்டீஸ் அணிக்கு எதிரான மூன்றாவது 'டுவென்டி-20' போட்டியில் இந்திய அணி 20 ஓவரில் 3 விக்கெட்டுக்கு 240 ரன்கள் குவித்தது. ரோகித், ராகுல், கோஹ்லி அரைசதம் விளாசினர்.

இந்தியா வந்துள்ள விண்டீஸ் அணி மூன்று போட்டிகள் கொண்ட 'டுவென்டி-20' தொடரில் மோதியது. முதல் இரு போட்டிகளில் இரு அணியும் தலா ஒரு வெற்றி பெற, தொடர் 1-1 என சமனில் இருந்தது. இரு அணிகள் மோதிய மூன்றாவது மற்றும் கடைசி போட்டி மும்பை வான்கடே மைதானத்தில் நடக்கிறது. 'டாஸ்' வென்ற விண்டீஸ் அணி கேப்டன் போலார்டு, பீல்டிங் தேர்வு செய்தார். இந்திய அணியில் ஜடேஜா, சகால் நீக்கப்பட்டு முகமது ஷமி, குல்தீப் யாதவ் சேர்க்கப்பட்டனர். பெரிதும் எதிர்பார்க்கப்பட்ட சஞ்சு சாம்சனுக்கு மீண்டும் இடம் கிடைக்கவில்லை.

இந்திய அணிக்கு ரோகித் சர்மா, லோகேஷ் ராகுல் ஜோடி மின்னல் வேக துவக்கம் கொடுத்தது. காட்ரெல் பந்தில் பவுண்டரி அடித்து ரன் கணக்கைத் துவக்கிய ரோகித், அடுத்து சிக்சர், பவுண்டரி என விளாசினார். மறுபக்கம் ராகுல், தன் பங்கிற்கு ஹோல்டர் ஓவரில் அடுத்தடுத்து பவுண்டரி, சிக்சர் அடித்தார். வில்லியம்ஸ், பியர்ரே என ஒருவரையும் இந்த ஜோடி விட்டு வைக்கவில்லை. முதல் 6 ஓவரில் இந்திய அணி 72 ரன்கள் குவித்தது.

அடுத்து பியர்ரே ஓவரில் அடுத்தடுத்து இரண்டு சிக்சர், ஒரு பவுண்டரி அடித்த ரோகித், சர்வதேச 'டுவென்டி-20'ல் 19வது அரைசதம் எட்டினார். இந்திய அணியின் ஸ்கோர் 8 ஓவரில் 102 ரன்களை எட்டியது. ரோகித் 71 ரன் எடுத்தார். ரிஷாப் பன்ட் 'டக்' அவுட்டானார். மறுபக்கம் ராகுல், கோஹ்லி அரைசதம் அடித்தனர். ராகுல் 91 ரன்கள் எடுத்தார். இந்திய அணி 20 ஓவரில் 4 விக்கெட்டுக்கு 240 ரன்கள் குவித்தது. கோஹ்லி (70), ஸ்ரேயாஸ் (0) அவுட்டாகாமல் இருந்தனர்.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X