சேலத்தில் ஓடும், ஸ்கூட்டிக்கு சென்னை போலீஸ் அபராதம்| Dinamalar

சம்பவம் செய்தி

தமிழ்நாடு

சேலத்தில் ஓடும், 'ஸ்கூட்டி'க்கு சென்னை போலீஸ் அபராதம்

Updated : டிச 14, 2019 | Added : டிச 13, 2019 | கருத்துகள் (5)
 சேலத்தில் ஓடும், 'ஸ்கூட்டி'க்கு சென்னை போலீஸ் அபராதம்

சேலம்: சென்னையில், 'ஹெல்மெட்' அணியாமல் இருசக்கர வாகனம் ஓட்டியதாக, சேலத்தில் ஓடும், 'ஸ்கூட்டி'க்கு, போலீசார் அபராதம்விதித்து, கடிதம் அனுப்பியுள்ளனர்.

சேலம் மாவட்டம், பனமரத்துப்பட்டியைச் சேர்ந்த பாலாஜியின் மனைவி கார்த்திகா, 36. ஆசிரியர் பயிற்சி முடித்து, வீட்டில் இருந்து வரும் இவர், 'ஸ்கூட்டி பெப்' இருசக்கர வாகனத்தை பயன்படுத்துகிறார்.இவருக்கு, சில நாட்களுக்கு முன், சென்னை, மணலி போக்குவரத்து போலீஸ் எஸ்.ஐ., ஒரு கடிதம் அனுப்பினார். அதில், 'கடந்த, 3ம் தேதி, மணலி, 200 அடி சாலையில், ஹெல்மெட் அணியாமல் வாகனம் ஓட்டியதால், உங்கள் மீது வழக்கு பதியப்பட்டுள்ளது. 'அதற்கான அபராதம், 100 ரூபாயை, குறிப்பாணை பெற்ற, 24 மணி நேரத்தில் செலுத்த வேண்டும்' என, தெரிவிக்கப்பட்டுள்ளது. இதைப் பார்த்து, கார்த்திகா உள்ளிட்ட குடும்பத்தினர் அதிர்ச்சியடைந்தனர்.

கார்த்திகா குடும்பத்தினர் கூறியதாவது:நாமக்கல் மாவட்ட வட்டார போக்குவரத்து அலுவலகத்தில் பதிவு செய்யப்பட்ட ஸ்கூட்டியை, மூன்று ஆண்டுகளுக்கு முன், வேறு ஒருவரிடம் வாங்கினோம். பின், கார்த்திகா பெயருக்கு மாற்றி, சேலம் மாவட்டத்தில் தான் ஓட்டி வருகிறார்.இந்த ஸ்கூட்டரை, சென்னைக்கு எடுத்துச் சென்றதில்லை. எங்கள் வாகனத்தின் பதிவெண்ணை பயன்படுத்தி, வேறு வாகனம் இயக்கப்படுகிறதா என, சந்தேகம் எழுகிறது.இது குறித்து, போலீசார் விசாரிக்க வேண்டும்.இவ்வாறு, அவர்கள் கூறினர்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X