பொது செய்தி

இந்தியா

'நிர்பயா' நிதி; தமிழகம் பயன்படுத்தியது 3% மட்டுமே

Updated : டிச 16, 2019 | Added : டிச 16, 2019 | கருத்துகள் (6)
Advertisement
நிர்பயா, நிதி, 4 கோடி ரூபாய்,பலாத்காரம்,பாதுகாப்பு

புதுடில்லி : டில்லியில் மருத்துவ மாணவி பலாத்காரம் செய்யப்பட்டு, படுகொலை செய்யப்பட்டதை தொடர்ந்து, பெண்கள் பாதுகாப்பு நடவடிக்கைக்காக, 'நிர்பயா நிதி' உருவாக்கப்பட்டது. ஆனால், மாநிலங்கள் இந்த நிதியை முறையாகப் பயன்படுத்திக் கொள்ளவில்லை என்பது தெரியவந்துள்ளது.

டில்லியில், மருத்துவ மாணவி, 'நிர்பயா' ஓடும் பஸ்ஸில் பாலியல் பலாத்காரம் செய்யப்பட்டு, படுகொலை செய்யப்பட்டார். இந்த சம்பவம் நடந்து, இன்றுடன், ஏழு ஆண்டுகளாகிறது. அப்போது இந்த சம்பவம் நாடு முழுவதும் பெரிய அதிர்வலையை ஏற்படுத்தியது. அதையடுத்து, பெண்களின் பாதுகாப்புக்கான நடவடிக்கைகள் எடுக்க, மாநிலங்களுக்கு நிதியுதவி வழங்க, நிர்பயா நிதியை மத்திய அரசு, 2013ல் உருவாக்கியது.

இந்த நிதியை மாநிலங்கள் எந்தளவுக்கு பயன்படுத்தியுள்ளன என, பார்லியில் சமீபத்தில் கேள்வி எழுப்பப்பட்டது. அதற்கு, மத்திய பெண்கள் மற்றும் குழந்தைகள் நலத்துறை அமைச்சர், ஸ்மிருதி இரானி எழுத்து மூலம் அளித்த பதிலில் கூறியுள்ளதாவது: மாநிலங்களுக்கு, மத்திய அரசு, 1,649 கோடி ரூபாய் ஒதுக்கியுள்ளது. அதில், 147 கோடி ரூபாய் மட்டுமே பயன்படுத்தப்பட்டுள்ளது. அதாவது, ஒதுக்கீட்டில், 9 சதவீதம் மட்டுமே பயன்படுத்தப்பட்டுள்ளது.

சமீபத்தில் பாலியல் பலாத்கார சம்பவங்கள் நடந்த, உத்தர பிரதேசம் மற்றும் தெலுங்கானா உள்பட, சில மாநிலங்களுக்கு அதிக அளவு நிதி ஒதுக்கப்பட்டது. இதில், கர்நாடகா, மஹாராஷ்டிரா, டில்லி, தமிழகம் அடங்கும். ஒதுக்கப்பட்ட, 191 கோடி ரூபாயில், 13.62 கோடி ரூபாய், அதாவது, 7 சதவீதத்தை மட்டுமே, கர்நாடகா செலவிட்டுள்ளது. தமிழகத்துக்கு, 190.68 கோடி ரூபாய் ஒதுக்கப்பட்டது. அதில், வெறும், 6 கோடி ரூபாய், அதாவது, 3 சதவீதம் மட்டுமே செலவிடப்பட்டுள்ளது.

மஹாராஷ்டிரா, மணிப்பூர், மேகாலயா, சிக்கிம், திரிபுரா, டாமன் - டயூ ஆகிய மாநிலங்கள் மற்றும் யூனியன் பிரதேசங்கள், ஒரு ரூபாய் கூட செலவிடவில்லை.நிர்பயா சம்பவம் நடந்த டில்லிக்கு, 390 கோடி ரூபாய் ஒதுக்கப்பட்டது. அதில், 19.41 கோடி ரூபாய், அதாவது, 5 சதவீதம் மட்டுமே பயன்படுத்தப்பட்டுள்ளது. சமீபத்தில், கால்நடை பெண் டாக்டர் பாலியல் பலாத்கார சம்பவம் நடந்த தெலுங்கானாவுக்கு, 103 கோடி ரூபாய் ஒதுக்கப்பட்டு, அதில், 4 கோடி ரூபாய் மட்டுமே செலவிடப்பட்டுள்ளது. இவ்வாறு, அதில் கூறப்பட்டுள்ளது.

Advertisement




வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தமிழ்வேல் - முகப்பேர் மேற்கு ,இந்தியா
16-டிச-201915:08:13 IST Report Abuse
தமிழ்வேல் ஒதுக்குறதுல ஏதாவது பிரச்சனை இருக்கனும்.
Rate this:
Share this comment
Cancel
manoharan - TIRUVALLUR,இந்தியா
16-டிச-201911:20:37 IST Report Abuse
manoharan ஒதுக்கப்பட்ட நிதியை செலவு செய்ய மாட்டோம். ஏதாவது பிரச்சினை வந்தால் என்கவுண்டர் மூலம் முடித்து விடுவோம்.
Rate this:
Share this comment
Cancel
ஆரூர் ரங் - சென்னை ,இந்தியா
16-டிச-201908:43:44 IST Report Abuse
ஆரூர் ரங் நிர்பயா நிதி ஒரு அரசியல் .பெண்கள் வளர்ச்சிக்கு ஏற்கனவே ஆண்டுக்கு பல்லாயிரம் கோடி ஒதுக்குகிறார்கள்.பாதுகாப்புக்கென தனி நிதி அன்றைய காலகட்டத்தின் அரசியல் இதற்கென தனி கணக்கு . தனியான அலுவலர்கள் என்பதெல்லாம் வீண் . நாட்டில் எல்லோருக்குமே பாதுகாப்பு வேண்டும் .தற்காப்பு பயிலவேண்டும் ஆண்பெண் வேறுபாடில்லை
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X