கோலம் போட்ட பெண் பாக்., உளவாளியா? ஐ.பி., விசாரணை

Updated : ஜன 03, 2020 | Added : ஜன 03, 2020 | கருத்துகள் (115) | |
Advertisement
சென்னை: குடியுரிமை திருத்த சட்டத்திற்கு எதிராக சென்னையில் கோலம் போட்ட பெண் பாக். உளவாளியா என மத்திய உளவு அமைப்பான ஐ.பி.யும் விசாரணையை துவக்கி உள்ளது.குடியுரிமை திருத்த சட்டத்தை மத்திய அரசு நிறைவேற்றி உள்ளது. இதற்கு எதிர்ப்பு தெரிவித்து சில தினங்களுக்கு முன் சென்னை பெசன்ட் நகரில் இரண்டு ஆண்கள் மற்றும் ஆறு பெண்கள் அனுமதியின்றி அடுத்தவர்கள் வீட்டின் முன் கோலம்
AntiCAA,KolamProtest,GayatriKhandhadai,CAA,CAB,NRC,Pakistan,பாகிஸ்தான்,கோலம்,தொடர்பு

சென்னை: குடியுரிமை திருத்த சட்டத்திற்கு எதிராக சென்னையில் கோலம் போட்ட பெண் பாக். உளவாளியா என மத்திய உளவு அமைப்பான ஐ.பி.யும் விசாரணையை துவக்கி உள்ளது.

குடியுரிமை திருத்த சட்டத்தை மத்திய அரசு நிறைவேற்றி உள்ளது. இதற்கு எதிர்ப்பு தெரிவித்து சில தினங்களுக்கு முன் சென்னை பெசன்ட் நகரில் இரண்டு ஆண்கள் மற்றும் ஆறு பெண்கள் அனுமதியின்றி அடுத்தவர்கள் வீட்டின் முன் கோலம் போட்டனர். இதற்கு வீட்டு உரிமையாளர்கள் கடும் எதிர்ப்பு தெரிவித்தனர். அவர்களுடன் தகராறு செய்ததால் போலீசார் எட்டு பேரையும் கைது செய்து பின்னர் விடுவித்தனர். ஆனால் அவர்களோ 'கோலம் போட்டதால் போலீசார் கைது செய்து விட்டனர்' என விஷமத்தனமான பிரசாரத்தில் ஈடுபட்டனர். தி.மு.க. தலைவர் ஸ்டாலின் அவர்களை அழைத்து வாழ்த்து தெரிவித்தார்.


latest tamil news



கோலம் போட்டு எதிர்ப்புத் தெரிவித்தவர்களில் ஒருவர் திருவான்மியூரைச் சேர்ந்த காயத்ரி கந்தாடை. இவர் பாக்.கில் உள்ள ஒரு அமைப்பில் ஆராய்ச்சியாளராக இருப்பதாக தன் முகநுால் பக்கத்தில் குறிப்பிட்டுள்ளார். பல்வேறு அமைப்புக்களுடன் இவருக்கு தொடர்பு இருந்துள்ளது. எனவே 'காயத்ரி கந்தாடையின் நடவடிக்கைகள் குறித்து விசாரிப்போம்' என சென்னை போலீஸ் கமிஷனர் ஏ.கே.விஸ்வநாதன் நேற்று முன்தினம் தெரிவித்தார்.

இந்நிலையில் மத்திய அரசின் உளவு அமைப்பான ஐ.பி.யும் காயத்ரி கந்தாடை பாக். உளவாளியா என்பது குறித்து விசாரிக்க துவங்கியுள்ளது. காயத்ரி கந்தாடை மனித உரிமை ஆர்வலர் என சில போராட்டங்களில் பங்கேற்றுள்ளார். காவல் நிலையங்களில் தன் தந்தை பெயரை குறிப்பிடாமல் அவர் திட்டமிட்டு மறைத்துள்ளார். வழக்கறிஞருக்கு படித்து இருப்பதாக தெரிவித்துள்ள அவர் பாக்.கில் உள்ள சில அதிகாரிகளுடன் தொடர்பில் இருந்ததும், ஓரினச் சேர்க்கையாளர் என்பதும் முதற்கட்ட விசாரணையில் தெரிய வந்துள்ளது.

காயத்ரியுடன் நெருங்கிய தொடர்பில் இருந்த பெண்கள் யார் யார்; காயத்ரி கந்தாடை எத்தனை முறை பாக்.கிற்கு சென்றுள்ளார்; அவர் இந்தியா குறித்து அந்நாட்டு அதிகாரிகளிடம் தெரிவித்த தகவல்கள் என்ன என்பது குறித்தும் ஐ.பி. அதிகாரிகள் விசாரித்து வருகின்றனர்.


latest tamil news





முகநுாலில் படங்கள் அகற்றம்:


காயத்ரி கந்தாடை பல பெண்களுடன் கன்னத்தோடு கன்னம் வைத்து எடுத்த படங்களை தன் முகநுால் பக்கத்தில் பதிவேற்றி இருந்தார். மேலும் அவருக்கு பாக். அமைப்புடன் இருந்த தொடர்பு குறித்தும் தெரிவித்து இருந்தார். அவற்றை எல்லாம் திடீரென நீக்கி உள்ளார். இது போலீசாரின் சந்தேகத்தை அதிகப்படுத்தி உள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (115)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
சுடலைகாண் - சென்னை,இந்தியா
04-ஜன-202011:58:41 IST Report Abuse
சுடலைகாண் அடுத்த திருமுருகன் காந்தி வகையறா போராளி , தீ மு காவுக்கு மட்டும் எப்படி கரெக்ட்டா இப்டி தேசத்துரோகிகளை அடையாளம் கண்டுபிடிச்சு வேலை குடுக்க முடியுது?
Rate this:
Cancel
கல்யாணராமன் சு. - பெங்களூரு,இந்தியா
03-ஜன-202018:48:34 IST Report Abuse
கல்யாணராமன் சு. காவல் துறை விசாரித்து பத்திரிக்கைகளுக்கு சொல்லும்போதோ, அல்லது பத்திரிக்கைகள் சொந்த விசாரணையில் கண்டுபிடித்து எழுதும்போது, இந்த மாதிரி தனிப்பட்ட விவரங்களை (like sexual orientation போன்றவற்றை) வெளியிடாமல் இருப்பது நல்லது ............ இந்த மாதிரி விஷயங்கள், பிரச்சினையை திசை திருப்பும் வலிமை வாய்ந்தவை .......... மக்களுக்கு வேண்டியதெல்லாம், இவர்களுக்கு அயல் நாட்டு தொடர்பு இருக்கிறதா, எந்த மாதிரியான அமைப்புகளில் பங்கு வகிக்கிறார்கள், இப்படிப்பட்ட தொடர்புகளால் நாட்டின் நலனுக்கு ஏதேனும் ஊறு வருமா போன்ற விஷயங்கள்தான் ... அவருடைய தனிப்பட்ட வாழ்க்கை விவரங்கள் அவசியமில்லை என்பது என் கருத்து ............
Rate this:
Cancel
Subramanian Arunachalam - CHENNAI,இந்தியா
03-ஜன-202017:54:49 IST Report Abuse
Subramanian Arunachalam இந்த பெண்ணை பார்த்தால் சபரி மலைக்கு போக அடம் பிடிக்கும் பெண்களுக்கு தலைவியாக இருக்க எல்லா தகுதியும் உள்ளது . இவர் தமிழ் நாட்டை சேர்ந்தவரா . திராவிட கட்சிக்கு இவர் ஆதரவாக செயல் படுவதால் அதை பற்றி யாரும் மூச்சு கூட விட வில்லை . இவர் எந்த மாநிலத்தை சேர்ந்தவர் இவரின் பின்னணி என்ன என்பதை தெளிவு படுத்த வேண்டும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X