சம்பவம் செய்தி

தமிழ்நாடு

எஜமானி படுகொலை: தொழிலாளிக்கு ஆயுள் தண்டனை

Added : ஜன 08, 2020
Advertisement

ஈரோடு: பணம், கொடுக்கல் வாங்கல் தகராறில், எஜமானியை கொன்ற தொழிலாளிக்கு, ஈரோடு மகிளா விரைவு நீதிமன்றம், ஆயுள் தண்டனை விதித்தது.
ஈரோடு மாவட்டம், சிவகிரி, விளாங்காட்டு வலசை சேர்ந்த சிவானந்தன் மனைவி காந்திமதி, 48; கணவர், 18 ஆண்டுக்கு முன் இறந்து விட்டார். ஒரு மகன், மகள் உள்ளனர். மகளுக்கு திருமணம் ஆகிவிட்டது. தனக்கு சொந்தமான, 10 ஏக்கர் தோட்டத்தில் காந்திமதி வசித்தார். கடந்த, 2017 ஆக.,31ல், படுகொலை செய்யப்பட்டார். இது தொடர்பாக, காந்திமதி தோட்டத்தில், 15 ஆண்டாக தொழிலாளியாக வேலை செய்த, சிவகிரி, நம்ம கவுண்டன்பாளையம், வெங்கசெல்லி காட்டை சேர்ந்த கருப்பையா, 45, என்பவரை சிவகிரி போலீசார் கைது செய்தனர். 'கடனாக கொடுத்த, 37 ஆயிரம் ரூபாயை, காந்திமதி கேட்டு நச்சரித்ததால், கொலை செய்தேன்' என்று, அவர் வாக்குமூலம் அளித்தார். நீதிமன்றத்தில் ஆஜர்படுத்தி, கோவை மத்திய சிறையில் அவரை அடைத்தனர். வழக்கு விசாரணை, ஈரோடு மகிளா விரைவு நீதிமன்றத்தில் நடந்தது. நீதிபதி மாலதி, நேற்று தீர்ப்பளித்தார். கருப்பையாவுக்கு ஆயுள் தண்டனை, 5,000 ரூபாய் அபராதம் விதித்தார். இரண்டு ஆண்டாக, கோவை சிறையில் இருக்கும் கருப்பையா, நீதிமன்றத்துக்கு நேற்று அழைத்து வரப்பட்டார். தீர்ப்பை தொடர்ந்து, மீண்டும் சிறைக்கு அழைத்து செல்லப்பட்டார். அரசு தரப்பில் வக்கீல் சுமதி ஆஜரானார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X