பொது செய்தி

தமிழ்நாடு

கள்ளக்குறிச்சி சிவன் கோவிலில் ஆருத்ரா தரிசன வைபவம்

Added : ஜன 11, 2020
Advertisement
 கள்ளக்குறிச்சி சிவன் கோவிலில் ஆருத்ரா தரிசன வைபவம்

கள்ளக்குறிச்சி:கள்ளக்குறிச்சி சிதம்பரேஸ்வரர் கோவில் மற்றும் செம்பொற்ஜோதிநாதர் கோவிலில் ஆருத்ரா தரிசன வைபவம் நடந்தது.

கள்ளக்குறிச்சி சிவகாமி அம்மன் உடனுறை சிதம்பரேஸ்வரர் கோவிலில் ஆருத்ரா தரிசன நிகழ்ச்சி நடந்தது. அதிகாலை, 5 மணியளவில் விநாயகர், முருகன், சிவன், அம்மன், வள்ளி, தெய்வானை முருகன், சண்டிகேஷ்வரர் சுவாமிகளுக்கு சிறப்பு அபிேஷகம் செய்தனர்.தனுர்மாத பூஜைகளுக்கு பின், திருமண மண்டபத்தில் நடராஜர், சிவகாமி அம்மன் உற்சவ மூர்த்திகளை எழுந்தருள செய்தனர். கலச ஸ்தாபனம் செய்து ருத்ர ஜபம் நடந்தது. பால், தயிர், இளநீர், விபூதி, சந்தனம் உள்ளிட்ட 16 வகை பொருட்களால் அபிேஷகம் செய்து வைக்கப்பட்டது.

தொடர்ந்து சிறப்பு அலங்காரம் செய்து ருத்ர மந்திரங்களை வாசித்து பூஜை நடந்தது. திரைகள் நீக்கப்பட்டு ஆருத்ரா தரிசன வைபவத்தை நடத்தினர். அதனைத் தொடர்ந்து நடராஜ பெருமான் வீதியுலா உற்சவம் நடந்தது.கார்த்திக் தலைமையிலான சிவாச்சார்யார்கள் வழிபாட்டினை செய்து வைத்தனர்.

சமூக ஆர்வலர் தங்கராசன் நிகழ்ச்சிக்கான ஏற்பாடுகளை செய்திருந்தார்.அதேபோல், சாமியார் மடத்தில் உள்ள செம்பொற்ஜோதிநாதர் கோவிலில் உற்சவர் நடராஜருக்கு சிறப்பு அபிேஷகம் நடந்தது. சிவனடியார்கள் சிவபுராணம், பன்னிரு திருமுறை, தேவாரம், திருவாசகம், திருவருட்பா பாடினர். பக்தர்கள் பலர் பங்கேற்று தரிசனம் செய்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X