தமிழ்நாடு

ஆபத்து :தொட்டு விடும் தூரத்தில் மின்கம்பிகள் ; விவசாய பணிகளுக்கு சிக்கல்

Added : ஜன 11, 2020
Advertisement

திருப்புவனம்:திருப்பாச்சேத்தி வட்டாரத்தில் கைக்கு எட்டும் துாரத்தில் மின்கம்பிகள் செல்வதால் விவசாய பணிகளை மேற்கொள்ள முடியாமல் விவசாயிகள் தவிக்கின்றனர்.

திருப்பாச்சேத்தி, கானுார், பச்சேரி,வேம்பத்துார், மாரநாடு, கருங்குளம் உள்ளிட்ட பகுதி களில் நெல்,வாழை, கரும்பு,தென்னை உள்ளிட்ட விவசாயம் நடைபெறுகிறது. சமீபத்திய வடகிழக்கு பருவமழை காரணமாகவும், கண்மாய்களில் நீர் இருப்பு காரணமாகவும் விவசாயிகள் பலரும் நெல் நடவு பணியில் ஈடுபட்டுள்ள நிலையில் திருப்பாச்சேத்தி பகுதியில் மட்டும் விவசாயிகள் நடவு பணியில் ஈடுபட முடியவில்லை.
திருப்பாச்சேத்தி துணை மின்நிலையத்தில் இருந்து சுற்று வட்டார கிராமங்களுக்கு மின் விநியோகம் நடைபெறுகிறது. இது தவிர விவசாய மோட்டார்களுக்கு வயல்கள் வழியாக மின்கம்பங்கள் நடப்பட்டு மின்சாரம் கொண்டு செல்லப்படுகிறது. பெரும்பாலான இடங்களில் மின்கம்பங்கள் பலவும் சாய்ந்து விபத்தை ஏற்படுத்தும் வகையில் உள்ளன.

திருப்பாச்சேத்தியில் இருந்து படமாத்துார் செல்லும் பாதையின் இருபுறமும் மின்கம்பங்கள் சாய்ந்து மின்கம்பிகள் கைக்கெட்டும் துாரத்தில் உள்ளன. மின்கம்பிகள் எளிதில் தொட்டு விடும் துாரத்தில் வயல்களில் இருப்பதால் இப்பகுதிகளில் விவசாயிகள் எந்த பணிகளையும் மேற்கொள்ளாமல் நிலங்களை தரிசாக போட்டுள்ளனர்.மின்வாரியத்திடம் மின்கம்பி தாழ்வாக செல்வது குறித்து முறையிட்டும் கண்டு கொள்ளாததால் விவசாயிகள் பலரும் வயல்களை தரிசாக விட்டுள்ளனர். சிறுவர்கள் சென்றால் கூட மின்கம்பிகள் உரசி உயிரிழப்பு ஏற்படும் அபாயம் உள்ளது.

விவசாயிகள் கூறியதாவது: நெல் நடவு செய்வதற்கு மூன்று மாத காலம் ஆகும், மூன்று மாதங்களும் தினசரி வயல்களில் வேலை இருந்து கொண்டே இருக்கும். மின்கம்பிகள் தரையில் இருந்து இரண்டு அடி உயரத்தில் உள்ளது. எப்போது வேண்டுமானாலும் அறுந்து விழ வாய்ப்புண்டு, பலமுறை தெரிவித்தும் மின்வாரிய அதிகாரிகள் கண்டு கொள்ளவில்லை. இதனால் வயல்களை தரிசாகவே போட்டுள்ளோம், மற்றவர்கள் நெல் நடவு செய்துள்ள நிலையில் மின்கம்பிகள் மிகவும் தாழ்வாக இருப்பதால் அதனை ஒட்டியுள்ள நிலங்களில் பணிகளை மேற்கொள்ளவே இல்லை என்றனர்.

ரோட்டை ஒட்டியுள்ள மின்கம்பங்கள் சாய்ந்த நிலையில் இருப்பதால் எப்போது வேண்டுமானாலும் கீழே விழ வாய்ப்புண்டு, திருப்பாச்சேத்தி- - படமாத்துார் சாலையில் தினசரி நுாற்றுக்கும் மேற்பட்ட வாகனங்கள் சென்ற வண்ணம் உள்ளன. விபரீதம் ஏற்படும் முன் மின்கம்பிகளையும் மின்கம்பங்களையும் சரி செய்ய வேண்டும் என மக்கள் வலியுறுத்தியுள்ளனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X