பொது செய்தி

தமிழ்நாடு

ஆருத்ரா தரிசனத்தையொட்டி சிவன் கோவில்களில் சிறப்பு பூஜை

Added : ஜன 11, 2020
Advertisement

தர்மபுரி: ஆருத்ரா தரிசனத்தையொட்டி, தர்மபுரியில் உள்ள பல்வேறு சிவன் கோவில்களில், நேற்று சிறப்பு அபி?ஷகம் மற்றும் அலங்காரங்கள் நடந்தன.
மார்கழி மாதத்தில், சிவபெருமானின் பிறந்தநாள் நட்சத்திரமான திருவாதிரையும், பவுர்ணமியும் இணைந்து வரும் நாளில், ஆருத்ரா தரிசன விழா கொண்டாடப்படுகிறது. இதையொட்டி, தர்மபுரி குமாரசாமிப்பேட்டை சிவசுப்பிரமணிய சுவாமி கோவிலில் உள்ள, சிவகாமசுந்தரி சமேத ஸ்ரீமத் ஆனந்த நடராஜருக்கு நேற்று காலை, 4:00 மணிக்கு பால், தயிர், சந்தனம், குங்குமம், இளநீர் உள்ளிட்ட, 16 வகையான திரவியங்களால், திருவாதிரை சிறப்பு அபி?ஷகம் நடந்தது. பின்னர், சோடச உபசாரம், வேதபாராயணம், திருமுறை பாராயணம் மற்றும் தீபாராதனை நடந்தது. தொடர்ந்து, தங்க கவசத்துடன் சுவாமி ஆருத்ரா தரிசன காட்சி நடந்தது. மேலும், திருஆபரண அலங்காரத்தில், சிவகாமசுந்தரி சமேத ஸ்ரீமத் ஆனந்த நடராஜ சுவாமி, சிறப்பு அலங்காரத்தில் பக்தர்களுக்கு அருள்பாலித்தார். ஏராளமான பக்தர்கள், ஆருத்ரா தரிசனம் செய்து, சுவாமியை வழிபட்டனர். இதேபோல், கடைவீதி மருதவானேஸ்வரர் கோவில், நெசவாளர்காலனி மகாலிங்கேஸ்வரர் கோவில், பாலக்கோடு பால்வன்னநாதர் கோவில் உள்பட, மாவட்டத்தின் பல்வேறு பகுதி களில் உள்ள சிவன் கோவில்களில், ஆருத்ரா தரிசனம் சிறப்பாக கொண்டாடப்பட்டது.


* தர்மபுரி மாவட்டம், அரூர் பஸ் ஸ்டாண்ட் அருகில், வர்ணீஸ்வரர் கோவில் உள்ளது. ஆருத்ரா தரிசன விழாவையொட்டி, இக்கோவிலில் நேற்று காலை, 5:00 மணிக்கு கணபதி ஹோமம் நடந்தது. தொடர்ந்து, சுவாமிக்கு அபி?ஷகம், பூஜை மற்றும் தீபாராதனை நடந்தது. காலை, 10:00 மணிக்கு செண்டை மேளத்துடன், நடராஜர் மற்றும் சிவகாமியம்மாள் சுவாமி திருவீதி உலா வந்து பக்தர்களுக்கு அருள்பாலித்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X