5 அருங்காட்சியகங்கள் சர்வதேச தரத்திற்கு உயர்த்தப்படும்: மோடி| Dinamalar

5 அருங்காட்சியகங்கள் சர்வதேச தரத்திற்கு உயர்த்தப்படும்: மோடி

Updated : ஜன 11, 2020 | Added : ஜன 11, 2020 | கருத்துகள் (9)

கோல்கட்டா: நாட்டில் உள்ள 5 அருங்காட்சியகங்கள் சர்வதேச தரத்திற்கு உயர்த்தப்படும் என்று மோடி தெரிவித்தார்.






மேற்கு வங்க மாநிலம் கோல்கட்டாவில் நடந்த 150வது துறைமுக ஆண்டு விழா மற்றும் சுவாமி விவேகானந்தர் ஜெயந்தி விழாவில் மோடி கலந்து கொண்டு பேசினார் .

நிகழ்ச்சியில் பிரதமர் மோடி பேசியதாவது;
'நாட்டில் உள்ள 5 அருங்காட்சியகங்கள் சர்வதேச தரத்திற்கு உயர்த்தப்படும். மேலும், கோல்கட்டாவில் உள்ள பெல்டவர் ஹவுஸ், பழைய நாணய கட்டடம், விக்டோரியா நினைவகம் உள்ளிட்ட காட்சியகங்கள் நவீனமாக்கப்படும் பணிகள் நிறைவடைந்துள்ளன. பெல்டவர் ஹவுசினை உலகின் அருங்காட்சியமாக மாற்றுவதற்கு மத்திய அரசு ஒத்துழைக்கும். பிப்லோபி பாரத் என்ற அருங்காட்சியகம் அமைக்கப்பட வேண்டும். அதில் நேதாஜி, சுபாஷ்சந்திரபோஸ் அரவிந்தோ கோஷ் ராஷ் பிஹாரி போஸ் தேஷ்பந்து, பாகா ஜடின், பினாய், பாடல், தினேஷ் போன்ற ஒவ்வொரு சிறந்த சுதந்திர போராளிகளுக்கு அதில் முக்கியத்துவம் வழங்கப்படும்' இவ்வாறு மோடி பேசினார்





முன்னதாக கோல்கட்டாவில் மில்லினியம் பூங்காவிற்கு வருகை தந்த மோடி, கோல்கட்டா துறைமுக அறக்கட்டளையின் 150 வது ஆண்டு விழாவின் ஒரு பகுதியாக ரபீந்திர சேது (ஹவுரா பாலம்) இன் ஒத்திசைக்கப்பட்ட ஒளி மற்றும் ஒலி அமைப்பினை இன்று (ஜன.11) மாலை துவக்கினார். இந்நிகழ்ச்சியில் மேற்கு வங்க முதல்வர் மம்தா பானர்ஜி, கவர்னர் ஜகதீப் தங்கரும் நிகழ்ச்சியில் கலந்து கொண்டனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X