பொது செய்தி

தமிழ்நாடு

பிளாஸ்டிக் கவர் தாராள புழக்கம்: விலங்குகளுக்கு ஆபத்து

Added : ஜன 12, 2020
Advertisement

வால்பாறை:வால்பாறையில், திறந்தவெளியில் வீசப்படும் பிளாஸ்டிக் கழிவுகளால் வனவிலங்குகள் உயிரிழக்கும் அபாயம் ஏற்பட்டுள்ளது.ஆனைமலை புலிகள் காப்பகத்தின் கட்டுப்பாட்டில், வால்பாறை அமைந்துள்ளது. இங்குள்ள வால்பாறை, மானாம்பள்ளி ஆகிய இரண்டு வனச்சரகங்களில் வனவிலங்குகளும், பசுமை மாறாக்காடுகளும், நீர்நிலைகளும் நிறைந்துள்ளன.
புலிகள் காப்பகத்தில் சுற்றுலா பயணிகள் வருகை அதிகரிப்பால், திறந்தவெளியில் பிளாஸ்டிக் கழிவுகள் வீசப்படுகின்றன. குறிப்பாக, ஆழியாறு ஆற்றில் இருந்து - வால்பாறை வரும் வழியில் பல இடங்களில் சுற்றுலா பயணிகள் சாலையோரங்களிலும், வனப்பகுதியிலும் வீசிச் செல்கின்றனர்.மழை காலங்களில் பிளாஸ்டிக் கழிவுகள் ஆற்றில் கலந்து விடுகிறது. இது தவிர, வால்பாறை நகரில் உள்ளூர் மக்களும், சுற்றுலா பயணிகளும் தடை செய்யப்பட்ட பாலித்தீன் பைகள் பயன்படுத்துகின்றனர்.இதனால், திறந்தவெளியில் பிளாஸ்டிக் கழிவுகள் அதிகளவில் சிதறி கிடக்கின்றன. பிளாஸ்டிக் கழிவுகளால் தான் வனவிலங்குகளுக்கும், சுற்றுச்சூழலுக்கும் அபாயம் ஏற்பட்டுள்ளது.
இயற்கை பாதுகாப்பு மைய ஆராய்ச்சியாளர்கள் கூறியதாவது:வால்பாறையின் இயற்கையை பாதுகாக்கும் வகையில், அரசு துறை அதிகாரிகள் பாலித்தீன் பயன்பாட்டை முற்றிலுமாக தவிர்க்க வேண்டும். ஆழியாறு சோதனை சாவடியில் பிளாஸ்டிக் சேமிப்பு மையம் ஏற்படுத்தி, வால்பாறை வரும் சுற்றுலா பயணிகளிடம் சேகரிக்க வேண்டும்.தடை செய்யப்பட்ட பாலித்தீன் பயன்படுத்துபவர்களுக்கு உடனடியாக அபராதம் விதிக்க வேண்டும். அப்போது தான், வால்பாறையின் இயற்கை வளத்தையும், அரிய வகை வனவிலங்குகளையும் பாதுகாக்க முடியும்.இவ்வாறு, தெரிவித்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X