பொது செய்தி

இந்தியா

'கல்விச்சூழலை மோசமாக்கும் இடதுசாரி ஆர்வலர்கள்': பிரதமருக்கு எழுதிய கடிதத்தில் கல்வியாளர்கள் கவலை

Updated : ஜன 13, 2020 | Added : ஜன 13, 2020 | கருத்துகள் (29)
Advertisement

புதுடில்லி:நாட்டின் கல்விச் சூழலை இடதுசாரி ஆர்வலர்கள் மோசமாக்கி வருவதாக பிரதமர் மோடிக்கு 200க்கும் மேற்பட்ட கல்வியாளர்கள் எழுதிய கடிதத்தில் குற்றஞ்சாட்டப்பட்டுள்ளது.







குடியுரிமை திருத்தச் சட்டத்திற்கு எதிராக பல்வேறு இடங்களிலும் மாணவர் அமைப்பினர் போராட்டத்தில் ஈடுபட்டு வருகின்றனர். குறிப்பாக இடதுசாரி மாணவர் அமைப்புகள் பல இடங்களில் பேரணிகளையும் போராட்டங்களையும் நடத்தி வருகின்றனர். இந்நிலையில் பல்கலைக்கழக துணை வேந்தர்கள் உள்ளிட்ட 200க்கும் மேற்பட்ட கல்வியாளர்கள் இது குறித்து கவலை தெரிவித்து பிரதமர் நரேந்திர மோடிக்கு கடிதம் எழுதியுள்ளனர்.





டாக்டர் ஹரி சிங் கவுர் பல்கலை துணை வேந்தர் ஆர்.பி.திவாரி தெற்கு பீஹாரின் மத்திய
பல்கலை துணை வேந்தர் எச்.சி.எஸ்.ராதோர் சர்தார் படேல் பல்கலை துணை வேந்தர்
ஷிரிஷ் குல்கர்னி உள்ளிட்டோர் அனுப்பியுள்ள அந்த கடிதத்தில் கூறியிருப்பதாவது:

மாணவர் அரசியல் என்ற பெயரில் சீர்குலைக்கும் தீவிர இடதுசாரி கொள்கை பின்பற்றப்படுவதை அச்சத்துடன் கவனித்து வருகிறோம். ஜே.என்.யு. ஜாமியா ஏ.எம்.யு. ஜாதவ்பூர் வளாகங்களில் நடைபெற்ற சமீபத்திய நிகழ்வுகளை பார்க்கும்போது நாட்டின் கல்விச் சூழலை இடதுசாரி ஆர்வலர்கள் சிலர் மோசமாக்கி வருகின்றனர் என்பது தெளிவாக தெரிகிறது.அதிகபட்ச கோரிக்கைகளை வலியுறுத்தி வேலை நிறுத்தம் தர்ணா முழு அடைப்பு என இடதுசாரிகள் போராட்டங்களை கையிலெடுத்து வருவது அனைவரும் அறிந்ததுதான்.

எனினும் நம் நாட்டில் இடதுசாரிகள் நடத்தும் தனி நபர் தாக்குதல் பொது வெளியில் அவதுாறாக பேசுவது தங்கள் கொள்கைக்கு இணக்கமாக இல்லாதவர்களுக்கு எதிராக
நடத்தப்படும் தாக்குதல்கள் போன்றவை அதிகரித்துக்கொண்டே செல்கின்றன.இதுபோன்ற
அரசியலால் ஏழை மாணவர்களும் ஒதுக்கப்பட்ட சமூகத்தைச் சேர்ந்த மாணவர்களும்
பாதிக்கப்படுகின்றனர். இதனால் கல்வி கற்கும் வாய்ப்பை இழக்கும் அம்மாணவர்கள் தங்கள் எதிர்காலத்தை சிறந்த முறையில் கட்டமைக்க இயலாமல் தவிக்கின்றனர்.

மாற்று அரசியல் மற்றும் தங்கள் சொந்த கருத்துக்களை வெளிபடுத்தும் சுதந்திரம் கூட
இல்லாதவர்களாக அவர்கள் ஆக்கப்படுகின்றனர். பின்னர் வேறு வழியின்றி பெரும்பான்மை இடதுசாரி அரசியலில் தங்களை இணைத்துக்கொள்கின்றனர்.அனைத்து ஜனநாயக சக்திகளும் ஒன்றிணைந்து கல்வி சுதந்திரம் பேச்சு சுதந்திரம் ஆகியவற்றிற்கு உறுதுணையாக நிற்கவேண்டும்.இவ்வாறு அதில் கூறப்பட்டுள்ளது.

Advertisement




வாசகர் கருத்து (29)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Gopi - Chennai,இந்தியா
13-ஜன-202016:24:34 IST Report Abuse
Gopi இந்த மாவோக்கள், குர்பான் நக்ஸல்களை நறுக்கி வைக்கவில்லை என்றால் மாணவர்கள் தவறாக வழிநடத்தப்படக்கூடும். தேர்வு கட்டணம் உயர்வுக்காக கணினிகளை உடைக்கும் இவர்களுக்கு பாஸ்போர்ட்டு எடுக்கக்கூட வழியில்லாமல் செய்வது சிறந்த தண்டனை. இல்லையேல் அபிடேவிட் எழுதி வாங்கி இவர்கள் வேலைக்கு சேர்ந்தவுடன் ஓசியில் படித்தவற்றிற்கான செலவுகளை அரசாங்க பிடித்தம் செய்யவேண்டும். இவர்கள் வெளிநாடுகளுக்கு வேலை தேடி செல்வதை மூன்றாண்டுகள் தடை செய்வதோடு இல்லாமல், ஏதேனும் கட்சியில் கல்வி முடித்து ஐந்தாண்டுகளுக்குள் சேர்வதை தடை செய்யவேண்டும்
Rate this:
Share this comment
Cancel
13-ஜன-202014:37:03 IST Report Abuse
அண்ணாமலை ஜெயராமன் பல்கலைகளை கலவர பூமியாக்க அனுமதிக்க கூடாது , இந்த இடது சாரி சிந்தனை கொண்டவர்கள் இந்த நாட்டை அழிக்க கல்விக்கூடங்களை கேடயமாக பயன்படுத்துகிறார்கள். தீவிரவாதிகளுக்கு குடியுரிமை கொடுக்க வேண்டும் என்று போராடும் கும்பல் கூட தேசிய கொடியை கேடயமாக பயன்படுத்துகிறார்கள் , கலவரம் முடிந்தவுடன் வீதியில் தூக்கி எறிந்துவிட்டு செல்கிறார்கள்.
Rate this:
Share this comment
Cancel
Madurai Karan - Madurai,இந்தியா
13-ஜன-202012:38:20 IST Report Abuse
Madurai Karan சரியாக சொன்னீர்கள் ... நாட்டை நாசப்படுத்தும் இடது சாரிகள்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X