அதிகாரம் கைமாறி போச்சு!| Dinamalar

சிறப்பு பகுதிகள்

பக்கவாத்தியம்

அதிகாரம் கைமாறி போச்சு!

Added : ஜன 13, 2020
அதிகாரம் கைமாறி போச்சு!

திருப்பூர் மாவட்டம், அவிநாசி ஊராட்சி ஒன்றியக்குழு தலைவருக்கான மறைமுக தேர்தலில், மிகச் சரியாக, காலை, 10:45 மணிக்கு வேட்பு மனு பெறப்பட்டது; 11:00 மணிக்கு தேர்தலை, அதிகாரிகள் நடத்தி முடித்தனர்.

தேர்தல் நடத்தும் அதிகாரிகள் கூறுகையில், 'இதே போன்று, மிகச் சரியாக மதியம், 3:00 மணிக்கு, துணைத் தலைவர் தேர்தல் நடத்தப்படும்; அனைவரும் சரியான நேரத்துக்கு வந்துவிட வேண்டும்' என அறிவித்தனர். ஆனால், மாலை, 3:40 மணிக்கு தான், தலைவர் மற்றும் அ.தி.மு.க., ஆதரவு உறுப்பினர்கள், மன்ற அறைக்கு வந்தனர்.

'நீங்கள், மிகச் சரியாக, 3:00 மணிக்கு தேர்தல் நடத்தப்படும் எனக் கூறிய பிறகும், தாமதமாகிறதே சார்...' என, நிருபர்கள் சிலர், அதிகாரிகளிடம் கேட்டபோது, 'காலையில், எங்ககிட்ட அதிகாரம் இருந்தது; இப்போ, அதிகாரம் கைமாறிவிட்டது. இனி, அவங்க தான் எல்லாம்...' எனக் கூற, 'அரசியல்ல இதெல்லாம் சாதாரணமா போச்சு...' என நிருபர் ஒருவர் வேதனையுடன், 'கமென்ட்' அடித்தார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X