'மோடியை சிவாஜியுடன் ஒப்பிடுவதா?' சிவசேனா கடும் எதிர்ப்பு

Updated : ஜன 14, 2020 | Added : ஜன 13, 2020 | கருத்துகள் (11)
Advertisement
மோடி, சத்ரபதி_சிவாஜி,சிவசேனா, எதிர்ப்பு, தடை

மும்பை: மராட்டிய மன்னர் சத்ரபதி சிவாஜியுடன், பிரதமர்மோடியை ஒப்பிட்டு எழுதப்பட்டுள்ள புத்தகத்துக்கு, சிவசேனா எதிர்ப்பு தெரிவித்துள்ளது. 'அந்த புத்தகத்துக்கு தடை விதிக்க வேண்டும்' என, சிவசேனா வலியுறுத்தி உள்ளது.

சிவசேனாவின் மூத்த தலைவர், சஞ்சய் ராவத் கூறியதாவது: பா.ஜ.,வைச் சேர்ந்த ஜெய் பகவான் கோயல் என்பவர், 'இன்றைய சிவாஜி, நரேந்திர மோடி' என்ற பெயரில்ஒரு புத்தகம் எழுதியுள்ளார். அதில், மோடியை, சத்ரபதி சிவாஜியுடன் ஒப்பிட்டு அவர் எழுதி உள்ளார். மோடியை நாங்கள் மதிக்கிறோம். அதே நேரத்தில், சிவாஜியுடன் அவரை ஒப்பிடுவதை ஏற்க முடியாது. மோடியை சந்தோஷப்படுத்த வேண்டும் என, நாவால், 'ஷூ'வை துடைப்பவர்கள் இவ்வாறு செய்துள்ளனர். அவர்களால் தான், மோடிக்கு கெட்ட பெயர் ஏற்படுகிறது. இது போன்றவர்களிடம் இருந்து அவர் விலகி இருக்க வேண்டும்.

இந்த புத்தகத்துக்கும், தங்களுக்கும் எந்தத் தொடர்பும் இல்லை என, பா.ஜ., அறிவிக்க வேண்டும். மேலும், இந்த புத்தகத்துக்கு தடை விதிக்க வேண்டும்.தற்போது, பா.ஜ.,வில் உள்ள சிவாஜியின் குடும்பத்தைச் சேர்ந்த ராஜ்யசபா எம்.பி., சம்பாஜி ராஜே மற்றும் முன்னாள் எம்.பி.,யான உதயன்ராஜே போன்சலே, இது குறித்து தங்களுடைய கருத்தை தெரிவிக்க வேண்டும்.இவ்வாறு அவர் கூறியுள்ளார்.

''தனிப்பட்ட பலனை பெறுவதற்காக, சிலர் இந்த புத்தகத்தை எழுதியுள்ளனர். சிவாஜியுடன், மோடியை ஒப்பிடுவதை ஏற்க முடியாது. ''இதுபோன்றவர்களை கட்சி கட்டுப்படுத்த வேண்டும்,'' என, சிவாஜி குடும்பத்தைச் சேர்ந்த, பா.ஜ., - எம்.எல்.ஏ.,வான சிவேந்திரராஜே போன்சலே கூறியுள்ளார். தேசியவாத காங்.,கைச் சேர்ந்த மாநில அமைச்சர் சக்கன் புஜ்பல், ஜிதேந்திரஅவாத், காங்., மூத்த தலைவர் சுஷில்குமார் ஷிண்டே உள்ளிட்டோரும், எதிர்ப்பு தெரிவித்து உள்ளனர்.


பா.ஜ., விளக்கம்:

இந்தப் பிரச்னை குறித்து, பா.ஜ., ஊடகப்பிரிவு துணைத் தலைவர் சஞ்சய் மயுக் கூறியதாவது: இந்த புத்தககத்துக்கும், கட்சிக்கும் எந்தத் தொடர்பும் கிடையாது. அது புத்தகத்தை எழுதியவரின் தனிப்பட்ட கருத்து. இது தொடர்பாக, இதை எழுதிய ஜெய் பகவான் கோயலுடன் பேசினேன். சம்பந்தப்பட்ட பகுதியை நீக்குவதற்கு தயாராக உள்ளதாக அவர் கூறியுள்ளார். இவ்வாறு அவர் கூறினார்.

ஜெய் பகவான் கோயல் கூறியுள்ளதாவது: சத்ரபதி சிவாஜி போல, பிரதமர் நரேந்திர மோடி எப்படி அனைவரையும் அரவணைத்து செயல்படுகிறார்; மற்றவர்களால் முடியாததை, மோடி எப்படி நடத்தி காட்டுகிறார் என்பதை குறிக்கும் வகையிலேயே, இதை எழுதியுள்ளேன். ஆனால், சிலர் குறிப்பிட்ட பகுதிக்கு எதிர்ப்பு தெரிவித்துள்ளனர். மற்றவர்கள் மனம் புண்படும் வகையிலான, வாசகங்கள், வார்த்தைகளை நீக்குவதற்கு தயாராக உள்ளேன். இவ்வாறு அவர் கூறினார்.

Advertisement




வாசகர் கருத்து (11)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Tamilan - NA,ஐக்கிய அரபு நாடுகள்
14-ஜன-202021:48:41 IST Report Abuse
Tamilan சிவாஜியோ அன்னியர்களை ஓடஓட விரட்டியவர் , இவர் இப்போது கூட்டணி வைத்திருக்கும் கட்சி ஒரு அந்நியரின் தலைமையில் இருக்கிறது என்பது எல்லோருக்கும் தெரியும் . அதுவும் ஒரு ஓட்டல் க்ளீனரின் தலைமையில் ?. நாடே வெட்கி தலைகுனியவேண்டிய தருணம் இது . நல்லவேளையாக இனியும் அவர்கள் தலைமையில் காங்கிரஸ் ஆட்சியை பிடிக்க முடியவில்லை . அதுவரை இந்தியர்கள் கொஞ்சம் கவுரவமாக இருக்கலாம் .
Rate this:
Share this comment
Cancel
Maharajan - Bangalore,இந்தியா
14-ஜன-202017:58:56 IST Report Abuse
Maharajan மோடியை நிச்சயம் சிவாஜியுடன் ஒப்பிடுவதில் தவறில்லை... திரையில் சிறந்த நடிகர் சிவாஜி .... அரசியலில் சிறந்த நடிகர் மோடி... என்ன பொருத்தம் பார்த்தேளா?
Rate this:
Share this comment
Cancel
Dr. Suriya - Adis Ababa,எத்தியோப்பியா
14-ஜன-202012:47:59 IST Report Abuse
Dr. Suriya அட போயா நீ வேற இங்க ஒரு ஆளை தென்னாட்டு இங்கர்சாலு ன்னு சொல்லிக்கிட்டு திரியுது ஒரு கூட்டம் . இத போய் பெருசா எடுத்துக்கிட்டு....
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X