சம்பவம் செய்தி

தமிழ்நாடு

மகளிர் குழுவின் பணம் மோசடி: எஸ்.பி., அலுவலகம் முற்றுகை

Added : ஜன 13, 2020
Advertisement

ராமநாதபுரம், ராமநாதபுரத்தில் எஸ்.பி.,அலுவலகத்தை மதுரை சின்னப்பிள்ளை தலைமையில் தானம் அறகட்டளை நெய்தல் வட்டார களஞ்சியம் மகளிர் குழு பெண்கள் முற்றுகையிட்டனர்.தானம் அறக்கட்டளை சார்பில் ராமநாதபுரம் மாவட்டம் சாயல்குடி பகுதியில் நெய்தல் வட்டார களஞ்சியம் 2000ம் ஆண்டில் துவக்கப்பட்டது. டிரஸ்ட் அமைக்கப்பட்டு செயல்பட்டு வருகிறது. இதில் நிர்வாக காரணங்களுக்காக பிரசாத்குமார் நீக்கப்பட்டார்.அவருடன் ஒரு சில வட்டார தலைவிகள் கூட்டு சேர்ந்து சிக்கல் பகுதியில் உள்ள தமிழ்நாடு கிராம வங்கி கணக்கில் இருந்து இரு வேறு கணக்குகளுக்கு ரூ.45 லட்சம் வீதம் 90 லட்சம் ரூபாய் மாற்றம் செய்துள்ளனர்.தானம் அறக்கட்டளை நெய்தல் வட்டார களஞ்சியம் இது குறித்து வங்கிக்கு கடிதம் வழங்கி கணக்கை முடக்கம் செய்தனர். இதே போல் ராமநாதபுரம் கனரா வங்கி கணக்கும் முடக்கப்பட்டுள்ளது. மற்ற வங்கி கணக்குகளையும் முடக்கியுள்ளனர்.சாயல்குடி தமிழ்நாடு கிராம வங்கி மேலாளர் எங்களின் அனுமதியின்றி ஆலோசனை கேட்காமல் 19.06.2019 ல் 44.55 லட்சம் ரூபாய் வைப்பு நிதியை சேமிப்பு கணக்கிற்கு மாற்றி மக்கள் பணத்தை மோசடி செய்துள்ளனர்.மாற்றப்பட்ட பணத்தை எங்கள் வங்கி கணக்கில் வரவு வைக்க வேண்டும். நெய்தல் வட்டார களஞ்சிய வங்கி கணக்குகளை முடக்கம் செய்து, சட்டப்படி நடவடிக்கை எடுக்க வேண்டும், என மகளிர் குழு பெண்கள் மதுரை சின்னப்பிள்ளை, மற்றும் நெய்தல் வட்டார களஞ்சியத்தின் தலைவி பாப்பா தலைமையில் ராமநாதபுரம் எஸ்.பி., அலுவலகத்தை முற்றுகையிடடு போராட்டம் நடத்தினர். இது குறித்து மாவட்ட குற்றப்பிரிவு போலீசார் விசாரிக்கின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X