தமிழ்நாடு

இந்தியாவில் இருந்து இங்கிலீஷ்காரன் இன்னும் போகவில்லை!பெயர்களின் பின்னால் இருக்கின்றான்!

Added : ஜன 14, 2020
Share
Advertisement
இந்தியாவில் இருந்து இங்கிலீஷ்காரன் இன்னும் போகவில்லை!பெயர்களின் பின்னால் இருக்கின்றான்!

கோவை:கோவை மாவட்டத்தில், ஆங்கில உச்சரிப்புடன் உள்ள, 110 ஊர் பெயர்கள் தமிழுக்கு மாற்ற பரிந்துரை செய்யப்பட்டுள்ளது. எந்தெந்த ஊர்களின் பெயர்கள் மாற்றப்படவுள்ளன என்பது, விரைவில் அரசின் அறிவிப்பு வந்த பின்னர் தெரியவரும்.
அறிவிப்பு வெளியாவதில் உள்ள தாமதத்தால், பல்வேறு சான்றிதழ்களில் பெயர் குழப்பம் ஏற்படுகிறது. மக்கள் அலைக்கழிப்புக்கு ஆளாகின்றனர்.ஆங்கிலேயர் ஆட்சிக்காலத்தில், தமிழகத்தில் உள்ள பல ஊர்களின் பெயர்கள், அவர்களின் வசதிக்கேற்ப மாற்றப்பட்டன.இதனால், பாரம்பரிய பெயர்கள் கூட, அர்த்தம் இழந்து விட்டதாக, தமிழ் அறிஞர்கள்அதிருப்தி தெரிவித்து இருந்தனர்.
இதுபோன்ற சிக்கல்களால் பான்கார்டு, பாஸ்போர்ட், ஆதார் போன்றவை எடுக்கும்போது, பொதுமக்கள் பலர் தேவையின்றி, அலைக்கழிப்புக்கு ஆளாகி வந்தனர்.பெயர் மாற்ற கமிட்டிஇதை தொடர்ந்து,தமிழ் வளர்ச்சித்துறை சார்பில், ஆங்கில உச்சரிப்புடன் உள்ள ஊர், தெரு பெயர்களை மாற்ற, 2018-19ம் ஆண்டில், கமிட்டி அமைக்கப்பட்டது.இக்கமிட்டியின் அறிவுறுத்தலின்படி, மாவட்டந்தோறும் கலெக்டர் தலைமையில் ஆலோசனை குழு அமைக்கப்பட்டு, அதில் தமிழ் அறிஞர்கள், வல்லுனர்கள் இணைக்கப்பட்டனர்.
தெருக்களின் பெயரை மாற்றுவதில், பல்வேறு குழப்பங்கள் இருந்ததால், முதல்கட்டமாக ஊர்களின் பெயர்களை மாற்ற உத்தரவிடப்பட்டு, 2018 நவ., முதல் 2019 பிப்., மாதம் வரை,களப்பணி மேற்கொள்ளப்பட்டது.கோவையில் 110 இடங்கள்கோவை மாவட்டத்தில் நடந்த, 'சர்வே' முடிவுகளின்படி, 110 இடங்களின் உச்சரிப்பு, தமிழ் மொழிக்கு மாற்றப்பட வேண்டியதேவை இருப்பதாக கண்டறியப்பட்டு, பட்டியலில் சேர்க்கப்பட்டது.பட்டியல் சமர்ப்பிக்கப்பட்ட பின்பு, இச்செயல்பாடுகள் குறித்து தமிழக அரசு எவ்வித அறிவிப்பையும், இதுவரைவெளியிடவில்லை.
சான்றிதழ்கள் பெற செல்லும், பொதுமக்களின் அலைக்கழிப்புக்கு தீர்வு காண, விரைவில் பெயர் மாற்ற அறிவிப்பை, அரசு வெளியிட வேண்டும்.கோவை மாவட்டத்திலிருந்து, 110 இடங்களின் உச்சரிப்புகளை, தமிழுக்கு மாற்ற பரிந்துரை செய்து தயாரித்த பட்டியலை, மாநில கமிட்டிக்கு சமர்ப்பித்தோம். பிற மாவட்டங்களில் இருந்தும், இது போல் பட்டியல் சமர்ப்பிக்கப்பட்டுள்ளது. இக்கமிட்டி, உரிய ஆய்வுகளை மேற்கொண்டு, இறுதி பட்டியலை தயார் செய்து, அரசுக்கு சமர்ப்பித்துள்ளது. அரசு அறிவித்த பின்பே, எந்தெந்த ஊர் பெயர்கள் மாற்றப்படும் என்பதை அறிய முடியும்.--அன்புச்செழியன்இணை இயக்குனர், தமிழ் வளர்ச்சித்துறை.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X