பொது செய்தி

தமிழ்நாடு

விரதம் இருந்து வீரம் காட்டும் வீரர்கள்

Added : ஜன 15, 2020
Advertisement

திருப்புவனம், பொங்கல் பண்டிகை என்றாலே தமிழகம் முழுவதும் கிராமங்களில் களை கட்டும். மூன்று நாட்கள் கொண்டாடப்படும் பண்டிகையான பொங்கல் திருநாளில் தமிழர்களின் வீர விளையாட்டுகளான கபடி, ஜல்லிக்கட்டு, வடமாடு மஞ்சுவிரட்டு உள்ளிட்ட போட்டிகள் நடத்தப்பட்டு பரிசு வழங்கப்படும்.சிவகங்கை மாவட்டம் திருப்புவனம் வட்டாரத்தில் பூவந்தி கிராமத்தில் மாடுபிடி வீரர்கள் அதிகளவில் உள்ளனர். 30க்கும் மேற்பட்டோர் உள்ள இந்த குழுவில் கல்லுாரி மாணவர்கள் அதிகம்.சிவகங்கை, மதுரை உள்ளிட்ட மாவட்டங்களில் எங்கு ஜல்லிக்கட்டு, மஞ்சுவிரட்டு நடந்தாலும் பூவந்தி வீரர்கள் இன்றி விளையாட்டு நடப்பது இல்லை. பூவந்தி வீரர்கள் விரதமிருந்து களம் இறங்குவது மற்ற வீரர்களிடம் இருந்த வித்தியாசம் காட்டி வருகிறது. ஜல்லிக்கட்டு நடைபெறும் ஜனவரியில் பெரும்பாலும் பூவந்தி மாடுபிடி வீரர்கள் அசைவம் சாப்பிடுவது கிடையாது. காலில் செருப்பு அணிவது கிடையாது.தினசரி காலையில் இரண்டு மணி நேரம் முதல் ஐந்து மணி நேரம் வரை பயிற்சியில் ஈடுபடுகின்றனர். நீச்சல் பயிற்சி, ஓட்டப்பயிற்சி, மல்யுத்தம் உள்ளிட்ட பயிற்சியில் ஈடுபடும் இவர்கள் உள்ளூர் மாடுகளை வைத்தும் பயிற்சி பெறுகின்றனர்.போட்டிக்கு ஒரு வாரம் முன்னதாக வெளியூர் மாடுகளை வரவழைத்தும் பயிற்சி பெறுகின்றனர். ஜனவரி முடிந்த பின் தான் விரதத்தை முடிக்கின்றனர். வடமாடு மஞ்சுவிரட்டின் போது போட்டி ஏற்பாட்டாளர்கள் முறையாக வெற்றிலை பாக்கு வைத்து அழைத்தால் மட்டுமே பங்கேற்கின்றனர்.பூவந்தி வீரர்கள் பங்கேற்கின்றனர் என்றாலே போட்டி களை கட்டும்.வீரர்களை ஒருங்கிணைக்கும் சதீஷ் கூறியதாவது: பூவந்தியில் 30 முதல் 40 மாடுபிடி வீரர்கள் உள்ளனர். ஊரின் பொது மைதானத்தில் தினசரி பயிற்சி நடைபெறுகிறது. பலரும் கல்லுாரி மாணவர்கள், வடமாடு மஞ்சுவிரட்டின் போது போட்டி ஏற்பாட்டாளர்கள் முன்கூட்டியே வெற்றிலை பாக்கு வைத்து அழைப்பது வழக்கம், அனைவருக்கும் எங்களை பற்றி தெரியும், தற்போது வாட்ஸ் ஆப் குழு அமைத்துள்ளோம், அதில் தொடர்பு கொண்டு அழைப்பு விடுப்பார்கள், ஜனவரி முதல் விரதம் இருப்பது வழக்கம், அசைவத்தை தவிர்த்து விடுவோம். செருப்பு கூட அணியமாட்டோம். களம் இறங்கும் முன் ஆண்டவனை வேண்டி உயிர்ப்பலி ஏற்பட க்கூடாது என களம் இறங்குவோம், எத்தகைய மாடாக இருந்தாலும் சரி பிடித்து விடுவோம், எங்கள் பிடியில் இருந்து தப்பிய மாடு அடுத்து எங்கு களம் இறங்கினாலும் கண்டிப்பாக நாங்களும் இறங்குவோம், போட்டியில் பங்கேற்பதை சாகசமாகவே கருதுகிறோம், இதன் மூலம் உடல் வலிமை, கூட்டணி தத்துவம் உள்ளிட்டவைகளை பெறுகிறோம் என்றார்.வடமாடு மஞ்சுவிரட்டில் ஒன்பது பேர் கொண்ட குழு 25 நிமிடத்தில் அடக்க வேண்டும், ஆனால் முதல் 20 நிமிடங்கள் மாட்டை நன்கு போக்கு காட்டி அலையவிட்டு சோர்வடைய வைத்தபின் கடைசி ஐந்து நிமிடத்தில் மடக்குகின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X