பொது செய்தி

தமிழ்நாடு

உள்ளாட்சி பிரதிநிதிகள் பொறுப்பேற்பு; களைகட்டியது பொங்கல் விழா

Added : ஜன 15, 2020
Advertisement

சென்னை : ஊரக உள்ளாட்சி பிரதிநிதிகள் பொறுப்பேற்று உள்ளதால், 27 மாவட்டங்களில், மூன்று ஆண்டுகளுக்கு பின், பொங்கல் விழா களைகட்டியுள்ளது.

தமிழகத்தில், 2016 அக்டோபரில் உள்ளாட்சி பிரதிநிதிகளின் பதவிக்காலம் நிறைவடைந்தது. இப்பதவிகளை நிரப்புவதற்கான தேர்தல், உயர்நீதிமன்ற உத்தரவால் கடைசி நேரத்தில் ரத்தானது.உச்சநீதிமன்றம் மற்றும் உயர்நீதிமன்றத்தில் நடந்து வந்த வழக்குகளால், தேர்தல் இழுபறியானது. இதனால், உள்ளாட்சி அமைப்புகளை மூன்று ஆண்டுகளாக, தனி அதிகாரிகளை நியமித்து, அரசு நிர்வகித்து வந்தது.இந்நிலையில், மாற்றி அமைக்கப்பட்ட, ஒன்பது மாவட்டங்களை தவிர்த்து, மீதமுள்ள மாவட்டங்களில், ஊரக உள்ளாட்சி தேர்தல் நடத்தி முடிக்கப்பட்டுள்ளது.

இதன் வாயிலாக, 91 ஆயிரத்து, 975 பதவிகளுக்கு நிர்வாகிகள் தேர்வு செய்யப்பட்டனர்.மறைமுக தேர்தல் வாயிலாக, மாவட்ட ஊராட்சிக்குழு தலைவர், துணைத் தலைவர், ஒன்றிய குழு தலைவர், துணைத் தலைவர், ஊராட்சி துணைத் தலைவர் ஆகியோர், தேர்வு செய்யப்பட்டு உள்ளனர்.இதனால், மூன்று ஆண்டுகளுக்கு பின், சம்மந்தப்பட்ட உள்ளாட்சி அமைப்புகளில், பொங்கல் பண்டிகை கொண்டாட்டம் களைகட்டியுள்ளது.

பொதுமக்களை திரட்டி பொங்கல் வைப்பது, பல்வேறு விளையாட்டு போட்டிகள் நடத்தி பரிசளிப்பது என, உள்ளாட்சி பிரதிநிதிகள், கவனம் செலுத்தி வருகின்றனர்.மக்கள் மத்தியில் நற்பெயர் பெற வேண்டும் என்பதற்காக, அ.தி.மு.க., - தி.மு.க.,வினர் மட்டுமின்றி, பல்வேறு அரசியல் கட்சிகளின் உள்ளாட்சி பிரதிநிதிகளும், இதற்கு தாராளமாக பணத்தை செலவிட்டு வருகின்றனர்.தேர்தல் நடக்காத மாவட்டங்களிலும், நகர்புற உள்ளாட்சி இடங்களிலும், பொங்கல் விழா களைகட்டியுள்ளது. தேர்தலில் போட்டியிட உள்ளவர்கள், போட்டி போட்டு பொங்கல் பரிசுகளை வழங்கி, மக்களை திணறடித்து வருகின்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X