விளையாட்டு வீரர்களுக்கு உபகரணங்கள் வழங்கும் விழா

Added : ஜன 15, 2020
Advertisement
 விளையாட்டு வீரர்களுக்கு உபகரணங்கள் வழங்கும் விழா

சூலுார்:அம்மா இளைஞர் விளையாட்டு திட்டத்தின் கீழ், வீரர்களுக்கு உபகரணங்கள் வழங்கும் விழா சூலுாரில் நடந்தது.கிராமங்களில் உள்ள இளைஞர்களின் விளையாட்டு திறனை ஊக்குவிக்கும் பொருட்டு, அம்மா இளைஞர் விளையாட்டு திட்டம், தமிழகத்தில் துவங்கப்பட்டுள்ளது.

இதன் மூலம் தமிழகத்தில், 12 ஆயிரத்து 524 கிராம ஊராட்சிகள் மற்றும், 528 பேரூராட்சிகளில் ஆண், பெண் இருபாலருக்கும் தனித்தனியே இளைஞர் விளையாட்டுக் குழுக்கள் அமைக்கப் பட்டுள்ளன.இதன் மூலம் கபடி, வாலிபால், கிரிக்கெட், பூப்பந்து உள்ளிட்ட விளையாட்டுப் பயிற்சி அளிக்கப்படும். விளையாட தேவையான கம்பங்கள், வலைகள் கிரிக்கெட் பேட்கள், கையுறைகள் ஆகியவை வழங்கப்படுகின்றன.

மேலும், திறந்தவெளி உடற்பயிற்சி மையத்திற்கு தேவையான உபகரணங்களும் வழங்கப் படுகின்றன. ஆடுகளம் ஊரக வளர்ச்சித் துறை மூலம் அமைக்கப்படுகின்றன. இதையொட்டி, சூலுார் பொன்விழா கலையரங்கில் விளையாட்டு உபகரணங்கள் வழங்கும் விழா நடந்தது. எம்.எல்.ஏ., கந்தசாமி ஒன்றிய சேர்மன் மாதப்பூர் பாலு ஆகியோர், வீரர்களுக்கு விளையாட்டு உபகரணங்களை வழங்கினர்.

தொடர்ந்து, அவர்கள் கபடி, பூப்பந்து உள்ளிட்ட விளையாட்டுகளை விளையாடினர். மாவட்ட விளையாட்டு அலுவலர் ரவிச்சந்திரன், சூலுார் பேரூராட்சி செயல் அலுவலர் ராஜேந்திரன், நகரச் செயலாளர் கார்த்திகை வேலன் மற்றும் விளையாட்டு வீரர்கள் ஏராளமானோர் பங்கேற்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X