5 ஆண்டுகளில் 5 மடங்கு செய்வோம்; டில்லி பாஜ., தலைவர் உறுதி

Updated : ஜன 15, 2020 | Added : ஜன 15, 2020 | கருத்துகள் (30)
Advertisement
Delhi, BJP, ManojTiwari, AAP, ArvindKejriwal, 5Times, டில்லி, தேர்தல், பாஜ, பாஜக, மனோஜ்திவாரி, ஆம்ஆத்மி, அரவிந்த்கெஜ்ரிவால்

இந்த செய்தியை கேட்க

புதுடில்லி: டில்லி முதல்வர் அரவிந்த் கெஜ்ரிவால் அரசை விட பாஜ., ஆட்சி அமைந்தால், அடுத்த ஐந்து ஆண்டுகளில் மாநில மக்களுக்கு ஐந்து மடங்கு அதிகமாக செய்யவில்லை எனில் அரசியலில் இருந்து ஓய்வு பெறுவேன் என டில்லி பிரிவு பாஜ., தலைவர் மனோஜ் திவாரி உறுதியளித்துள்ளார்.

டில்லி யூனியன் பிரதேச சட்டசபையின் பதவிக்காலம், பிப்., 22ல் முடிகிறது. இதனையடுத்து வரும், பிப்., 8ல் ஒரே கட்டமாக, 70 தொகுதிகளுக்கும் தேர்தல் நடக்கிறது. தேர்தல் முடிவுகள், பிப்., 11ல் அறிவிக்கப்பட உள்ளன. ஆம் ஆத்மி, பா.ஜ., மற்றும் காங்., ஆகிய பெரிய கட்சிகள் இருந்தாலும், ஆம் ஆத்மி, பாஜ., இடையே தான் நேரடி போட்டி நிலவுகிறது. இதனால் இரு கட்சிகளும் தீவிர பிரசாரத்தில் ஈடுபட்டு வருகின்றன. இதற்கிடையே, டில்லி பிரிவு பாஜ., தலைவர் மனோஜ் திவாரி செய்தியாளர்களிடம் கூறியதாவது:




கடந்த ஐந்தாண்டுகளில் டில்லி முதல்வர் அரவிந்த் கெஜ்ரிவால் (ஆம் ஆத்மி கட்சி) அரசு, பள்ளி, கல்லூரிகள் திறப்பு, பலருக்கு வேலை வழங்கியது போன்றவற்றை செய்தது. ஆனால், பாஜ., ஆட்சி அமைந்தால், அதைவிட 5 மடங்கு அதிகம் நடத்திக் காட்டுவோம். அது நடக்கவில்லை எனில், நான் அரசியலில் இருந்து ஓய்வு பெறுகிறேன் என உறுதியளிக்கிறேன். டில்லியின் வளர்ச்சிக்கு என்னிடம் ஒரு பார்வை உள்ளது. நாங்கள் ஒவ்வொரு வீட்டிலும் தூய்மையான குழாய் நீர் வழங்குவோம். காற்று மாசுபாட்டை 70 சதவீதம் குறைக்க அனைத்து முயற்சிகளையும் மேற்கொள்வோம்.




5000 புதிய மின்சார பேருந்துகளை கொண்டு வருவதற்கும், சி.என்.ஜி பேருந்துகளுடன் டில்லியில் போக்குவரத்து இணைப்பை மேம்படுத்துவதற்கும் நாங்கள் கடமைப்பட்டுள்ளோம். டில்லியில் மூடப்படும் மருத்துவமனைகளை நாங்கள் தடுப்போம். மருந்தகங்கள் இடிந்து கிடக்கின்றன. யமுனா ஆற்றில் ஆற்றங்கரை கட்டப்படும். சேரி பகுதியில் இருக்கும் ஏழைகளுக்கு வீடுத் திட்டத்தின் கீழ் இரண்டு அறைகள் கொண்ட வீடு கட்டித்தரப்படும். அவர்களுக்கு எரிவாயு, நீர் இணைப்பு மற்றும் கழிப்பறைகள் போன்ற அனைத்து அடிப்படை வசதிகளும் வழங்கப்படுவதால் ஏழை மக்கள் கூட சிறந்த வாழ்க்கை வாழ முடியும்.

இவ்வாறு மனோஜ் திவாரி கூறினார்.

Advertisement




வாசகர் கருத்து (30)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தஞ்சை மன்னர் - Tanjore,இந்தியா
16-ஜன-202013:53:30 IST Report Abuse
தஞ்சை மன்னர் கலவரம் , வஞ்சகம் , சூழ்ச்சி , கொலை , பதில் சொல்லாமை , கருத்துக்களை ஏற்காமை, வேலையின்மைமை , பொருளாதரா வீழ்ச்சி ஆகியவற்றை ஐந்து மடங்கு ஆக்குவேன் இப்படி பி சே பி வேட்பாளர்
Rate this:
Share this comment
Cancel
ஜெய்ஹிந்த்புரம் - மதுரை,இந்தியா
16-ஜன-202007:52:44 IST Report Abuse
ஜெய்ஹிந்த்புரம் அதான் தெரிஞ்சதாச்சே. எழுபது ஆண்டுகளில் ஒரு கட்சி பண்ணதை அஞ்சே ஆண்டில் அதை விட ஏழு மடங்கு அநியாயம் பண்ணீங்களே.
Rate this:
Share this comment
Cancel
Nallavan Nallavan - Dhanbad,இந்தியா
15-ஜன-202021:33:44 IST Report Abuse
Nallavan Nallavan பாஜக ஆட்சியையும் பார்த்து விட்டுத்தான் தில்லி மக்கள் கடந்தமுறை ஆம் ஆத்மி ஆட்சியைத் தேர்ந்தெடுத்தார்கள் .....
Rate this:
Share this comment
Subramanian, Delhi - Delhi,இந்தியா
16-ஜன-202012:29:43 IST Report Abuse
Subramanian, Delhiபிஜேபி கடந்த 20 வருடங்களுக்கும் மேலாக டெல்லியில் ஆட்சியில் இல்லை. பிறகு மக்கள் எப்படி பிஜேபி ஆட்சியை பார்த்திருக்க முடியும்?...
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X