பொது செய்தி

தமிழ்நாடு

கசக்கும் பொங்கல்: ஓய்வு பணியாளர்கள் ஆதங்கம்

Added : ஜன 16, 2020
Advertisement

திருச்சி: 'அறநிலையத்துறையால் தொடர்ந்து புறக்கணிக்கப்படுவதால், இந்தாண்டு கசக்கும் பொங்கலாக அமைந்துள்ளது' என, ஓய்வு பெற்ற பணியாளர்கள் தெரிவித்துள்ளனர்.
இதுகுறித்து, தமிழ்நாடு திருக்கோவில் ஓய்வு பெற்ற பணியாளர்கள் சங்கத்தின் ஸ்ரீரங்கம் கிளை தலைவர் ரங்கராஜன், செயலாளர் கோபாலகிருஷ்ணன் ஆகியோர் கூறியிருப்பதாவது: தமிழகத்தில் உள்ள திருக்கோவில்களில் பணியாற்றி ஓய்வு பெற்ற பணியாளர்களுக்கு பொங்கல் கருணைத் தொகை, 500 ரூபாய் வழங்க வேண்டும் என, ஐந்து ஆண்டுகளாக வலியுறுத்தி வருகிறோம். அரசுத் துறை சார்ந்த ஓய்வூதியதாரர்கள் அனைவருக்கும் பொங்கல் கருணைத் தொகை வழங்கப்பட்டுள்ளது. ஆனால், திருக்கோவில்களில் பணியாற்றி ஓய்வு பெற்ற துறை நிலை ஓய்வூதியதாரர்கள் மற்றும் குடும்ப ஓய்வூதியர்களுக்கு மட்டும் அறநிலையத்துறை சார்பில், பொங்கல் கருணைத்தொகை வழங்கப்படுவதில்லை. மேலும், துறைநிலை ஓய்வூதியம் பெற்று, 2015 டிசம்பர், 14க்கு முன் இறந்த ஓய்வூதியதாரர்களின், குடும்பத்தினர், கடந்த, 48 மாதங்களாக குடும்ப ஓய்வூதியம் கிடைக்காமல் கஷ்டப்பட்டு வருகின்றனர். அவர்களுக்கும் குடும்ப ஓய்வூதியத்தை வழங்க நடவடிக்கை எடுக்க வேண்டும். துறை நிலை ஓய்வூதியம், 2,000 ரூபாய் வழங்க உத்தரவிட்டு, 38 மாதங்களாகியும் தமிழக அரசும், அறநிலையத்துறையும் மவுனம் சாதித்து வருகிறது. அறநிலையத்துறையால் துறைநிலை ஓய்வூதியர்கள் தொடர்ந்து புறக்கணிக்கப்படுவதால், இந்த ஆண்டு கசக்கும் பொங்கலாகவே அமைந்துள்ளது. இவ்வாறு, அவர்கள் கூறினர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X