சேலம்: 1971, ஜன.23-ல் சேலத்தில் நடைபெற்ற தி.க. ஊர்வலத்தில் ராமர் சிலையை செருப்பால் அடித்ததை அப்போதே ஒப்புக்கொண்டு திராவிடர் விடுதலைக்கழகம் வெளியீட்டுள்ள புத்தகத்தில் குறிப்பிடப்பட்டுள்ளது.

தஞ்சை மருதவாணன் தொகுத்துள்ள ''1912-லிருந்து 1973 வரை திராவிட இயக்க வரலாற்றுச் சுவடுகள்'' என்ற புத்தகம் வெளியிடப்பட்டது. அந்த புத்தகத்தில் 55 -வது பக்கத்தில் குறிப்பிடப்பட்டுள்ளதாவது:

1971 ஜன.23-ல் சேலத்தில் திராவிடர் கழகம் சார்பில் நடைபெற்ற மூட நம்பிக்கை ஒழிப்பு மாநாட்டில் ராமன் பொம்மை செருப்பாலும், விளக்குமாற்றாலும் அடிக்கப்பட்டது என குறிப்பிடப்பட்டுள்ளது.

துக்ளக் விழாவில் பேசிய நடிகர் ரஜினி 1971-ல் சேலம் தி.க. ஊர்வலத்தில் ராமர், சீதை சிலைகள் ஆடையின்றி கொண்டு வரப்பட்டு செருப்பால் அடித்தனர் என பேசினார். தி.க. வெளியிட்டுள்ள புத்தகத்திலேயே ஒப்புக்கொண்டுள்ளதை தான் நடிகர் ரஜினி சொன்னார். இதனை முதலில் மறுத்த தி..க. மற்றும் தி.மு.க.வினர் இப்போது குழம்பி போயுள்ளனர். அடுத்து என்ன செய்வதென்று தெரியாமல் திகைத்துள்ளனர்.