வாசிக்க நேரம் இல்லையா? செய்தியைக் கேளுங்கள் 
சென்னை: 'முரசொலி மூலப்பத்திரம் தொடர்பாக, சவால் விட்டவர், அரசியலில் இருந்து விலகுவாரா' என, ஸ்டாலினுக்கு, பா.ம.க., நிறுவனர் ராமதாஸ் கேள்வி எழுப்பியுள்ளார்.
'டுவிட்டர்' பக்கத்தில், ராமதாஸ் கூறியிருப்பதாவது:
* முரசொலி அலுவலகம் வாடகை கட்டடத்தில் இயங்குகிறதாமே. அப்படியானால், அந்த பட்டா வெளியிட்டது; அரசியலில் இருந்து விலகத் தயாரா என, சவால் விட்டதெல்லாம், வழக்கம் போல வெற்றுச் சவாடல் தானா?.
* அரசியல் உலகில், எவ்வளவோ பல்டிகள் அடிக்கப்பட்டிருக்கின்றன. ஆனால், அவை அனைத்திலும், சிறந்த பல்டி, முரசொலி நிலம் மீதான பழியை துடைப்போம் என, வீரவசனம் பேசி விட்டு, இப்போது, நாங்களே வாடகைக்கு தான் இருக்கிறோம் என, சரண் அடைந்தது தான்.
* முரசொலி அலுவலகம், வாடகை கட்டடத்தில் தான் இயங்குகிறது என்பதாவது உண்மையா; மூலப் பத்திரத்தை தான் வெளியிடவில்லை. குறைந்தபட்சம், வாடகை ஒப்பந்தத்தையாவது, முரசொலி நிர்வாகம் வெளியிடுமா; கூடவே சவால் விட்டவர், அரசியலில் இருந்து விலகுவாரா?.
* அகில இந்தியாவில் மட்டுமல்ல, ஈரேழு லோகத்திலும், வாடகை கட்டடத்தில் இருந்து கொண்டு, உரிமையாளர் சார்பில், அவதுாறு வழக்கு தொடர்ந்த, ஒரே கம்பெனி, முரசொலி தான். வெறும் கையால் முழம் போடுவதில், இவர்களை வெல்ல ஆளே இல்லை போலிருக்கிறது. இவ்வாறு, அவர் கூறியுள்ளார்.
கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.
