சிஏஏ பாதிப்பு பற்றி ரஜினி சிந்திக்க வேண்டும்: ஸ்டாலின்| Dinamalar

அரசியல் செய்தி

தமிழ்நாடு

சிஏஏ பாதிப்பு பற்றி ரஜினி சிந்திக்க வேண்டும்: ஸ்டாலின்

Updated : பிப் 06, 2020 | Added : பிப் 06, 2020 | கருத்துகள் (110)
Share
DMK,,MKStalin,Rajini,CAA,CAB,NRC,NPR,Rajinikanth,Stalin,திமுக,ரஜினி,ரஜினிகாந்த்,ஸ்டாலின்

சென்னை: குடியுரிமை திருத்த சட்டத்தின்(சிஏஏ) பாதிப்பு குறித்து, ரஜினி முதலில் சிந்திக்க வேண்டும் என திமுக தலைவர் ஸ்டாலின் தெரிவித்தார்.

இதுகுறித்து செய்தியாளர்களிடம் அவர் கூறியதாவது: மத்திய அரசு கொண்டு வந்துள்ள சி.ஏ.ஏ., தேசிய மக்கள் தொகை கணக்கெடுப்பு (என்.பி.ஆர்) மற்றும் தேசிய குடிமக்கள் பதிவேடு (என்.ஆர்.சி.,) ஆகியவை மக்களுக்கு, குறிப்பாக முஸ்லீம், இலங்கை தமிழர்களுக்கு தீங்கானது. இதனை எதிர்த்து பல மாநிலங்கள் சட்டசபையில் தீர்மானம் நிறைவேற்றி உள்ளன. தமிழக அரசும் இதனை எதிர்த்து தீர்மானம் நிறைவேற்ற வேண்டும் என கூறி வருகிறேன். ஆனால் இதுவரை அதிமுக என்பேச்சுக்கு செவி சாய்க்கவில்லை.


latest tamil news



இச்சட்டங்களுக்கு எதிரான மாணவர்களின் மனநிலையை, கல்லூரிகளுக்கு சென்ற போது நானே நேரில் கண்டேன். சிஏஏ.,வுக்கு எதிரான கையெழுத்து இயக்க பணிகளை நானே நேரில் பார்வையிடுகிறேன். சிஏஏ விவகாரத்தில் மாணவர்கள் சிந்தித்து முடிவெடுக்க வேண்டும் என ரஜினிகாந்த் கூறியிருக்கிறார். ஆனால் இந்த சட்டத்தால் என்னென்ன பாதிப்புகள் என்பதை முதலில் அவர் சிந்தித்து முடிவு எடுக்க வேண்டும். இதில் உள்ள கஷ்டங்கள், கொடுமைகளை அவர் தெரிந்து கொள்ளவில்லை என்பது எனக்கு வருத்தம். இதனை அவர் தெரிந்து கொண்டால், அவர் தனது கருத்தை மாற்றிக் கொள்வார். இவ்வாறு அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X