பெயின்டர் கொலை வழக்கு: சிறுவன் உட்பட 6 பேர் கைது

Added : பிப் 09, 2020
Advertisement
 பெயின்டர் கொலை வழக்கு: சிறுவன் உட்பட 6 பேர் கைது

புதுச்சேரி:பெயின்டர் கொலை வழக்கில் 6 பேரை போலீசார் கைது செய்தனர்.
புதுச்சேரி, மேட்டுப்பாளையம், சண்முகாபுரம், வடக்கு பாரதிபுரம், முருகன் கோவில் தெருவைச் சேர்ந்தவர் தங்கராசு மகன் ஜெயபால், 24. பெயின்டரான இவர் கடந்த 4ம் தேதி, கோரிமேடு தீ அணைப்பு நிலையம் அருகில் உள்ள காலி இடத்தில் கொலை செய்யப்பட்டு கிடந்தார்.மேட்டுப்பாளையம் போலீசார் வழக்கு பதிந்து நடத்திய விசாரணையில், சண்முகாபுரம், வடக்கு பாரதிபுரத்தைச் சேர்ந்த ஜெயபால் மற்றும் பன்னீர்செல்வம் என்பவருக்கும் முன் விரோதம் இருந்தது. இதன் காரணமாக கடந்தாண்டு ஏப்ரல் மாதம், பன்னீர்செல்வத்தை, ஜெயபால் கத்தியால் குத்தினார். இந்த வழக்கில் கைதாகி ஜாமீனில் வெளியே வந்த ஜெயபால், மீண்டும் பன்னீர்செல்வத்திடம் தகராறு செய்து, அடுத்த முறை உன்னை கொலை செய்து விடுவேன் என மிரட்டனார்.இதனால் ஜெயபாலை கொலை செய்ய திட்டமிட்ட பன்னீர்செல்வம், கடந்த 3ம் தேதி இரவு தனது வீட்டின் அருகே உள்ள காலி இடத்தில் குடித்துக் கொண்டிருந்த ஜெயபாலை, பன்னீர்செல்வம் தனது கூட்டாளிகளுடன் சேர்ந்து வெட்டி கொலை செய்து, உடலை பைக்கில் எடுத்து சென்று கோரிமேடு தீ அணைப்பு நிலையத்திற்கு பின்புறம் உள்ள காலி இடத்தில் வீசி சென்றது தெரியவந்தது.அதன்பேரில் வடக்கு சண்முகாபுரம் பன்னீர்செல்வம்,21; பூபதி, 21; லோகேஷ்,19; லட்சுமணன்,24; அய்யனார்,24; ஆகியோரையும், இவர்களுக்கு அடைக்கலம் கொடுத்த 17 வயது சிறுவனையும் போலீசார் கைது செய்தனர். மேலும், இவர்களிடம் இருந்து மூன்று கத்தி, இரண்டு மொபைல் போன், 2 பைக்குகளை பறிமுதல் செய்தனர்.கைது செய்யப்பட்ட 6 பேரையும் கோர்ட்டில் ஆஜர்படுத்தி 5 பேரை காலாப்பட்டு சிறையில் அடைத்தனர். 17 வயது சிறுவனை சீர்த்திருத்த பள்ளியில் சேர்த்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X