பொது செய்தி

தமிழ்நாடு

பொன்மலை ஆண்டவர் கோவிலில் தைப்பூச தேர் திருவிழா

Added : பிப் 09, 2020
Advertisement

புன்செய்புளியம்பட்டி: கொண்டையம்பாளையம்,பொன்மலை ஆண்டவர் கோவிலில் தைப்பூச தேரோட்டம், வெகு விமரிசையாக நடந்தது.
ஈரோடு மாவட்டம், புன்செய்புளியம்பட்டி அடுத்துள்ள வரப்பாளையம் பஞ்., கொண்டையம்பாளையத்தில் பழமை வாய்ந்த, பொன்மலை ஆண்டவர் கோவில் உள்ளது. இங்கு நடப்பாண்டு தைப்பூச விழா தேரோட்டம் நேற்று நடந்தது. முன்னதாக அதிகாலை, 4:00 மணிக்கு மூலவருக்கு மகா அபிஷேகம், திருக்கல்யாண உற்சவம் நடந்தது. தொடர்ந்து, வள்ளி-தெய்வானையுடன் முருகப்பெருமான், திருத்தேருக்கு எழுந்தருளினார். மதியம், 2:30 மணிக்கு, அரோகரா கோஷம் முழங்க தேரோட்டம் நடந்தது. முதலில் சிறிய தேரை பக்தர்கள் வடம் பிடித்து இழுத்தனர். பின், பெரிய தேர் இழுக்கப்பட்டது. தேர்களில், வள்ளி - தெய்வானை சமேதராய் முருகப்பெருமான் மற்றும் விநாயகர், ஈஸ்வரி எழுந்தருளி அருள் பாலித்தனர். கொண்டையம்பாளையம் நான்கு ரத வீதிகளில் தேர் சென்றது. வழிநெடுகிலும் காத்திருந்த பக்தர்கள் சுவாமிக்கு பூஜை செய்து வழிபட்டனர். இரவு, 9:00 மணியளவில் தேர்கள் நிலை அடைந்தன. விழாவையொட்டி, மூலவர் பொன்மலை ஆண்டவர், சிறப்பு அலங்காரத்தில் காட்சி தந்தார். ஈரோடு மட்டுமின்றி திருப்பூர், கோவை மாவட்ட ஏராளமான பக்தர்கள் கலந்து கொண்டனர். முருகப்பெருமான் வள்ளி - தெய்வானை சமேதரராய், ஊஞ்சல் உற்சவத்துடன், விழா இன்று நிறைவடைகிறது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X