பொது செய்தி

இந்தியா

100 பாதைகளில் 150 ரயில்கள் ; தனியார் மயமாகும் ரயில்வே துறை

Updated : பிப் 09, 2020 | Added : பிப் 09, 2020 | கருத்துகள் (45)
Advertisement

இந்த செய்தியை கேட்க

புதுடில்லி : மத்திய அரசின் கட்டுப்பாட்டில் இயங்கிய இந்தியன் ரயில்வே இனி தனியார் நிறுவனங்களுடன் இணைந்து செயல்படும் என மத்திய நிதியமைச்சர் நிர்மலா சீதாராமன் மத்திய பட்ஜெட்டில் அறிவித்தார்.






இந்தியாவின் மிகப்பெரிய பொதுத்துறை நிறுவனமான இந்தியன் ரயில்வேயில் தனியார் நிறுவனங்களை சேர்க்கும் முயற்சியில் மத்திய அரசு ஈடுபட்டு வருகிறது. சில ரயில் மற்றும் ரயில் வழித்தடங்கள் தனியார் மயமாகும் என்ற அறிவிப்புகளும் வெளிவந்த வண்ணம் உள்ளன. இந்நிலையில் பிப்., 1 ல் மத்திய பட்ஜெட்டை மத்திய நிதியமைச்சர் நிர்மலா சீதாராமன் தாக்கல் செய்தார். அந்த பட்ஜெட்டில் ரயில்வே துறை தொடர்பாக சில அறிவிப்புகளையும் வெளியிட்டார்.





அதில் அவர் கூறுகையில் முதற்கட்டமாக 100 ரயில் வழித்தடங்களில் 150 தனியார் ரயில்கள் இயக்கப்படும். இதற்காக சுமார் 12 ஆயிரம் கோடி ரூபாய் ஒதுக்கீடு செய்யப்பட்டுள்ளது. இந்த திட்டத்தில் செயல்பட விரும்பும் தனியார் நிறுவனங்கள் அதற்காக விண்ணப்பிக்கலாம். இவ்வாறு கூறினார்.





இந்த அறிவிப்பை கேட்டு பொதுமக்கள் பலரும் தங்களது ஆதரவு மற்றும் எதிர்ப்பு போன்ற கருத்துக்களை தெரிவித்து வந்தனர். ஆனால் டாடா, அதானி, ஹூண்டாய் உள்ளிட்ட தனியார் நிறுவனங்களின் மத்தியில் பெரிய வரவேற்பை பெற்றுள்ளது.





இந்த ரயில்கள் முதற்கட்டமாக, மும்பை - டில்லி, சென்னை - டில்லி, டில்லி - ஹவுரா, ஷாலிமர் - புனே மற்றும் டில்லி - பாட்னா உள்ளிட்ட பாதைகளில் இயக்கப்பட உள்ளது. ஏற்கனவே அந்த பாதைகளில் தற்போது இயங்கி வரும் ரயில்கள் சென்ற பிறகு அடுத்த 15 நிமிடங்கள் கழித்து இந்த தனியார் ரயில்கள் இயக்கப்படும். 16 பெட்டிகளுடன் இந்த ரயில்கள் இருக்கும் என்றும் நீண்டதூர பயணத்திற்கு அதிக பெட்டிகள் கொண்ட ரயிலானது இயக்கப்படமாட்டாது. மணிக்கு 160 கி.மி வேகத்தில் குறிப்பிட்ட சில வழித்தடங்களில் இயங்கும் இந்த ரயில்களின் கட்டணத்தை தனியார் நிறுவனங்களே முடிவு செய்யும். அநத ரயில்களுக்கான நிதியளித்தல், கொள்முதல் செய்தல், இயக்குதல் மற்றும் பராமரித்தல் போன்றவற்றிற்கான முழு பொறுப்பும் அந்தந்த தனியார் நிறுவனங்களையே சேரும்.





மேலும் இந்த ரயில்களின் வழித்தட மாற்றங்களுக்கு 2,250 கோடி ரூபாயும் அதனை இரட்டிப்பாக்க 700 கோடியும் ரயில் உதிரிபாகங்களின் தயாரிப்பிற்காக 5,786 கோடியும் ரயில் சிக்னல் மற்றும் தொலை தொடர்பு சாதனங்களுக்காக 1,650 கோடி ரூபாய் ஒதுக்கீடு செய்யப்பட்டுள்ளது. இவ்வாறு கூறினார்.

Advertisement




வாசகர் கருத்து (45)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
konanki - Chennai,இந்தியா
10-பிப்-202021:11:00 IST Report Abuse
konanki Indus towers co மூலம் நிறுவப்பட்ட செல் போன் டவர்களை தனியார் மொபைல் கம்பெனிகள் ஷேரிங் முறையில் உபயோக ம் செய்து செலவை குறைத்து தொழில் வளர்ச்சி கண்டார்கள்
Rate this:
Share this comment
Cancel
Mano - Dammam,சவுதி அரேபியா
10-பிப்-202018:15:22 IST Report Abuse
Mano சரியான நேரத்திற்கு போய்சேரலாம். திருட்டு பயம் இல்லாமல் பயணம் செய்யலாம்.
Rate this:
Share this comment
Cancel
konanki - Chennai,இந்தியா
10-பிப்-202016:46:36 IST Report Abuse
konanki சென்னை சேலம் நான்கு வழி பாதையை போராட்டம் செய்து நிறுத்தியவர்கள் இப்போது புதிய ரயில்பாதையை அமைத்து ரயில் ஓட்டலாம் என்று கூறுவது .......
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X