இன்ஜி., படிப்புக்கு கட்டணம் உயருகிறது: ஏ.ஐ.சி.டி.இ., பரிந்துரை| Dinamalar

பொது செய்தி

இந்தியா

இன்ஜி., படிப்புக்கு கட்டணம் உயருகிறது: ஏ.ஐ.சி.டி.இ., பரிந்துரை

Updated : பிப் 10, 2020 | Added : பிப் 10, 2020 | கருத்துகள் (11)
Share
EngineeringCourses, AICTE, FeeRevision, TNColleges, FeeHike, Engineering, Engg, இன்ஜினியரிங், பொறியியல், கட்டணம், உயர்வு, பரிந்துரை, ஏஐசிடிஇ,

இந்த செய்தியை கேட்க

புதுடில்லி: கல்லூரி ஆசிரியர்களுக்கு சம்பள கமிஷனின் விதிமுறைப்படி சம்பளம் வழங்கிட படிப்பு கட்டணத்தை உயர்த்த அகில இந்திய தொழில்நுட்ப கல்வி கவுன்சில் பரிந்துரை செய்துள்ளது.

இன்ஜினியரிங் கல்லூரிகள் தங்களுக்கு சம்பள கமிஷன் நிர்ணயிக்கப்பட்ட விதிமுறைகளின்படி சம்பளம் வழங்கப்படுவதில்லை என அகில இந்திய தொழில்நுட்ப கல்வி கவுன்சிலுக்கு (ஏ.ஐ.சி.டி.இ) ஏராளமான புகார்கள் வந்தன. இதனையடுத்து ஏஐசிடிஇ., சார்பில் அனைத்து மாநில அரசுக்கும் கடிதம் அனுப்பப்பட்டது. அதில், ஆறாவது மற்றும் ஏழாவது சம்பள கமிஷனின் ஆணைகளை பரிசீலிக்கும்படி வலியுறுத்தப்பட்டது. இன்ஜி., கல்லூரிகளில் ஆசிரியர்களுக்கு மாதம் ரூ.30 ஆயிரம் சம்பளமாக வழங்கப்படுகிறது.


latest tamil news


தற்போது, தமிழகத்தில் உள்ள இன்ஜி., படிப்புகளுக்கு மாநில கட்டண நிர்ணய கமிட்டி தான் கட்டணம் நிர்ணயம் செய்து வருகிறது. கடைசியாக 2017-18ம் ஆண்டில் கட்டணம் மாற்றியமைக்கப்பட்டது. ஆனால், நீதிபதி ஸ்ரீகிருஷ்ணா கமிட்டியின் பரிந்துரைப்படி, இன்ஜி., படிப்புகளுக்கு அதிகபட்சமாக ஆண்டுக்கு ரூ.1.44 லட்சத்தில் இருந்து ரூ.1.58 லட்சமாக கட்டணமாக வசூலிக்கலாம் எனக்கூறப்பட்டது. குறைந்தபட்ச கட்டணமாக எதுவும் நிர்ணயிக்கப்படவில்லை. தமிழகத்தில், அரசு கோட்டாவின் கீழ் ஆண்டுக்கு ரூ.55 ஆயிரமும், நிர்வாக கோட்டாவின் கீழ் ரூ.90 ஆயிரமும் வசூலிக்கப்படுகிறது.


latest tamil news


இதனால், இன்ஜி., படிப்புகளுக்கான கட்டணத்தை அதிகரித்தால் மட்டுமே சம்பள கமிஷன் நிர்ணயிக்கப்பட்ட விதிமுறைகளின்படி ஆசிரியர்களுக்கு சம்பளம் வழங்க முடியும் என ஏஐசிடிஇ பரிந்துரை செய்துள்ளது.

அதாவது கட்டணத்தை 50 சதவீதம் அளவிற்கு உயர்த்த வேண்டும் எனவும், குறைந்தபட்ச கட்டணத்தை கவுன்சில் நிர்ணயம் செய்ய வேண்டும் எனவும் பரிந்துரைத்துள்ளது. இதனால், இன்ஜி., படிப்புகளுக்கான கட்டணம் உயரும் அபாயம் எழுந்துள்ளது. இன்ஜி., படித்து வேலை கிடைக்காமல் மாணவர்கள் பரிதவித்து வரும் நிலையில், கட்டண உயர்வு ஏற்பட்டால், தொழில்நுட்ப படிப்பினை விரும்பி படிக்கும் மாணவர்களின் எண்ணிக்கை நிச்சயம் குறையும் என கல்வி வல்லுநர்கள் கூறுகின்றனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X