பொது செய்தி

தமிழ்நாடு

அடிப்படை வசதியின்றி இயங்கும் குன்றத்துார் தாலுகா அலுவலகம்

Added : பிப் 11, 2020
Advertisement
 அடிப்படை வசதியின்றி இயங்கும் குன்றத்துார் தாலுகா அலுவலகம்

குன்றத்துார்:குன்றத்துார் தாலுகா அலுவலகம், அடிப்படை வசதிகளும், போதிய வழிகாட்டுதலும் இன்றி இயங்குவதால், பொதுமக்கள் சிரமப்படுகின்றனர்.
ஸ்ரீபெரும்புதுார் தாலுகா அலுவலகத்தில் இருந்து, குன்றத்துாரை தனியாக பிரித்து, குன்றத்துார் தாலுகா அலுவலகம், சமீபத்தில் திறக்கப்பட்டது. குன்றத்துார் ஊராட்சி ஒன்றியத்தில் உள்ள, அனைத்து பகுதிகளும் இதில் அடங்கும்.குன்றத்துாரில், நான்கு சாலை சந்திப்பில், சேக்கிழார் பள்ளியை ஒட்டி, இந்த அலுவலகம் இயங்கி வருகிறது. தற்போது, தினமும் நுாற்றுக்கணக்கானோர் வந்து செல்கின்றனர். ஆனால், அதற்கேற்ப வசதிகள் இல்லை.கழிப்பறை வசதி இல்லாததால், முதியவர்கள், பெண்கள் பெரும் சிரமப்படுகின்றனர். ஆதார், இ - சேவை மையங்கள் ஏற்படுத்தப்படவில்லை. உணவுப்பொருள் வழங்கல் மற்றும் வாக்காளர் பட்டியல் சம்பந்தமான துறைகள் சரியான முறையில் இல்லை; இருக்கை வசதிகள் போதுமானதாக இல்லை.மேலும், முறையான வழிகாட்டுதல் மற்றும் தகவல் இல்லாததால், பொதுமக்களில் பலர் ஏமாற்றத்துடன் திரும்பி செல்கின்றனர்.பொதுமக்களின் வசதிக்காக திறக்கப்பட்ட, இந்த தாலுகா அலுவலகம் அடிப்படை வசதிகள் இன்றி இயங்குவது, அதிருப்தியை ஏற்படுத்தியுள்ளது. எனவே, இவ்விஷயத்தில் உயர் அதிகாரிகள் நடவடிக்கை எடுக்க வேண்டும் என, கோரிக்கை எழுந்துள்ளது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X