பொது செய்தி

தமிழ்நாடு

குளிர்பதன கிடங்கை பயன்படுத்த அழைப்பு! 125 டன்னுக்கு, ரூ. 15 ஆயிரம் வாடகை

Added : பிப் 11, 2020
Advertisement
 குளிர்பதன கிடங்கை பயன்படுத்த அழைப்பு!  125 டன்னுக்கு, ரூ. 15 ஆயிரம் வாடகை

கிணத்துக்கடவு:கிணத்துக்கடவு தினசரி மார்க்கெட் வளாகத்தில் உள்ள குளிர்பதன கிடங்கை விவசாயிகள் பயன்படுத்த, வேளாண்மை ஒழுங்கு முறை விற்பனை கூட அதிகாரிகள் அழைப்பு விடுத்துள்ளனர்.
கிணத்துக்கடவு தினசரி மார்க்கெட்டுக்கு, அதிகளவில் தக்காளி வரத்து வருவதால், விலையில் ஏற்ற இறக்கம் இருந்து வந்தது.அதிகப்படியான தக்காளி வரத்து இருக்கும் போது, விவசாயிகள் எதிர்பார்த்த விலை கிடைக்காமல், ரோடு ஓரத்தில் கொட்டியும், செடிகளில் இருந்து தக்காளிகளை பறிக்காமல் இருந்தனர்.இதனால், விவசாயிகளுக்கு நஷ்டம் ஏற்பட்டு வந்தது. இதனை தவிர்க்க, கிணத்துக்கடவு தினசரி மார்க்கெட் வளாகத்தில், 500 டன் இருப்பு வைக்கும் குளிர்பதன கிடங்கு கட்டப்பட்டது.இதில், 125 டன் இருப்பு வைக்ககூடிய நான்கு தளங்கள் அமைக்கப்பட்டுள்ளது. இதில், விவசாயிகள் ஆரம்பத்தில் தக்காளி இருப்பு வைத்திருந்து விற்பனை செய்தபோது, தக்காளியின் நிறம் மாறியும், விரைவில் தக்காளி அழுகும் நிலை ஏற்பட்டது.அதன் பின், கடந்த மூன்று ஆண்டுகளாக விவசாயிகள் தக்காளி இருப்பு வைக்க குளிர்பதன கிடங்கை பயன்படுத்துவதில்லை.
குளிர்பதன கிடங்கில், 12 கிலோ எடையுள்ள ஒரு பெட்டி இருப்பு வைப்பதற்கு வாரத்திற்கு மூன்று ரூபாய் கட்டணம் வசூலிக்கப்படுகிறது.ஒரு டன் காய்கறி மற்றும் தானியங்கள் இருப்பு வைக்க மாதம் ஒன்றுக்கு, 400 ரூபாய் வாடகை வசூலிக்கப்படுகிறது. மேலும், 125 டன் இருப்பு வைப்பதற்கு மாதம் ஒன்றுக்கு, 15 ஆயிரம் ரூபாய் வாடகை வசூலிக்கப்படுகிறது.உதவி வேளாண்மை அலுவலர் தமிழரசன், ஒழுங்குமுறை விற்பனை கூட மேற்பார்வையாளர் விஜயகுமார் ஆகியோர் ஒவ்வொரு கிராமத்தில் நடக்கும் வேளாண்துறை கூட்டத்திற்கு சென்று, விவசாயிகளுக்கு குளிர்பதன கிடங்கில் காய்கறிகளை இருப்பு வைத்து விற்பனை செய்தால், அதிக விலை கிடைக்கும் என்ற விழிப்புணர்வை ஏற்படுத்தி வருகின்றனர்.கடந்த மூன்று ஆண்டுகளாக குளிர்பதன கிடங்கினால், அரசுக்கு வருவாய் இழப்பு ஏற்பட்டு வருகிறது.
இதனை ஈடுகட்ட தனியார் நிறுவனத்தின் காய்கறிகள் மற்றும் தானியங்கள் இருப்பு வைக்க, ஒரு ஆண்டுக்கு ஒப்பந்தத்தின் அடிப்படையில் வாடகைக்கு விடப்படுகிறது.இருப்பினும், விவசாயிகள் குளிர்பதன கிடங்கை பயன்படுத்த முன்வரவேண்டும் என வேளாண்மை ஒழுங்குமுறை விற்பனை கூட அதிகாரிகள் அறிவுறுத்தி வருகின்றனர்.
இருப்பு தவிர்ப்பதேன்?
விவசாயிகள் கூறுகையில், 'தினமும் பறிக்கப்படும் தக்காளியை உடனுக்குடன் ஏலம் விட்டால் மட்டுமே அன்றைய விலையாவது கிடைக்கும். இருப்பு வைத்து ஏலம் விட்டால், விலை குறைவாக கிடைக்கும். இதற்கு, தக்காளிக்கு பதிலாக தானியங்களை இருப்பு வைத்து பயன்படுத்தினால் பயனுள்ளதாக இருக்கும்,' என்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X