சம்பவம் செய்தி

தமிழ்நாடு

நண்டு வளர்ப்பில் பணம் இரட்டிப்பு; 486 பேரிடம் ரூ.3.79 கோடி மோசடி

Added : பிப் 11, 2020
Advertisement

வேலூர்: நண்டு வளர்ப்பில் பணத்தை இரட்டிப்பாக்கி தருவதாக, 486 பேரிடம், மூன்று கோடியே, 79 லட்சம் ரூபாய் மோசடி செய்து, தலைமறைவாகிய மூவர் மீது நடவடிக்கை கோரி, குடியாத்தம் ராஜகோபால் நகரை சேர்ந்த சந்திரா, வேலூர் எஸ்.பி., அலுவலகத்தில் நேற்று புகார் மனு அளித்தார்.
அதில் அவர் தெரிவித்துள்ளதாவது: கடந்த சில மாதங்களுக்கு முன், ஆதித்தியகுமார் என்பவர், பேஸ்புக் மூலம் அறிமுகமானார். அவர் மூலமாக, திருவண்ணாமலை மாவட்டத்தை சேர்ந்த ரேணுகாதேவி மற்றும் ஜெய் ஆகியோர் அறிமுகமாகினர். ஆதித்யகுமார் உள்பட மூன்று பேர், நாங்கள் வசிக்கும் பகுதிக்கு வந்து, சென்னை வடபழனியில், லட்சுமணன் என்பவர், 'யூனிடாப் குளோபல் ஹோல்டிங்' என்ற நிறுவனம் நடத்தி, நண்டு வளர்ப்பு தொழிலில் ஈடுபட்டு வருகிறார். அவரிடம் பணத்தை முதலீடு செய்தால், அதை அப்படியே இரட்டிப்பாக்கி கொள்ளலாம் என, ஆசை வார்த்தை கூறினார். அதை நம்பி, 486 பேர் குழுவாக சேர்ந்து, அவர்கள் சொன்ன வங்கி கணக்கில், மொத்தம் மூன்று கோடியே, 79 லட்சத்து, 95 ஆயிரத்து, 431 ரூபாய் செலுத்தினோம். இதை பெற்றுக்கொண்ட அவர்கள், பணத்தை இரட்டிப்பாக்கி கொடுக்கவில்லை. சரியான பதிலும் அளிக்கவில்லை. எனவே, எங்கள் பணத்தை மீட்டுத்தர வேண்டும். சம்பந்தப்பட்டவர்கள் மீது, உரிய நடவடிக்கை எடுக்க வேண்டும். இவ்வாறு அந்த மனுவில் தெரிவித்திருந்தனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X