டில்லியில் மீண்டும் கெஜ்ரி ஆட்சி: தலைவர்கள் கருத்து

Updated : பிப் 11, 2020 | Added : பிப் 11, 2020 | கருத்துகள் (35)
Advertisement
DelhiPolls2020, DelhiResults, DelhiElectionResults, mkstalin, DelhiElection2020, mamatabanarjee, mamata, stalin, m.k.stalin,

இந்த செய்தியை கேட்க

புதுடில்லி: டில்லி சட்டசபை தேர்தலில் வெற்றி பெற்று மீண்டும் ஆட்சி அமைக்க உள்ள கெஜ்ரிவால் மீண்டும் ஆட்சி அமைக்க உள்ளது குறித்து தலைவர்கள் கருத்து தெரிவித்துள்ளனர்.


கெஜ்ரிவாலுக்கு வாழ்த்து





இது தொடர்பாக மேற்குவங்க முதல்வர் மம்தா பானர்ஜி கூறியதாவது: கெஜ்ரிவாலுக்கு வாழ்த்துகளை தெரிவித்து கொள்கிறேன். பா.ஜ.,வை மக்கள் நிராகரித்து விட்டனர். வளர்ச்சியே செயல்பட்டுள்ளது. சிஏஏ, என்ஆர்சி மற்றும் என்பிஆர் ஆகியவை நிராகரிக்கப்பட்டுள்ளது. இவ்வாறு அவர் தெரிவித்துள்ளார்.
மேலும் மம்தா தனியார் டிவிக்கு அளித்த பேட்டி ஒன்றில் கூறியுள்ளதாவது: டில்லி தேர்தல் முடிவுகள், பா.ஜ.,வின் பொய் பரப்புதல், தவறான செய்தி மற்றும் பொய் பிரசாரத்திற்கு கிடைத்த பதில். வேலைவாய்ப்பின்மை மற்றும் பொருளாதார பிரச்னை ஆகியவை நாட்டில் முக்கிய பிரச்னையாக உள்ளது. அனைவரின் நம்பிக்கையை பிரதமர் பெற வேண்டும். பொருளாதாரத்தை மீட்பது தொடர்பாக அனைத்து கட்சிகளுடன் ஆலோசனை நடத்த வேண்டும். பொருளாதாரத்தில் இன்னும் கவனம் செலுத்துவதுடன், பழிவாங்கும் அரசியலை நிறுத்த வேண்டும். கெஜ்ரிவாலுக்கு பாராட்டு தெரிவித்துள்ளேன். வளர்ச்சி பணிகள் தான் செயல்பட்டுள்ளது.இவ்வாறு அவர் கூறினார்.




சிறந்த உதாரணம்





தி.மு.க., தலைவர் ஸ்டாலின் டுவிட்டரில் வெளியிட்ட வாழ்த்து செய்தி:மிகப்பெரிய வெற்றியுடன் டில்லியில் மீண்டும் ஆட்சி அமைக்க உள்ள கெஜ்ரிவால் மற்றும் ஆம் ஆத்மிக்கு எனது வாழ்த்துகள். வகுப்புவாத அரசியலை வளர்ச்சி திட்டங்கள் தோற்கடிக்கும் என்பதற்கு இது சிறந்த உதாரணம். நாட்டின் நலன் கருதி, கூட்டாட்சி உரிமைகள் மற்றும் மாநிலத்தின் விருப்பங்கள் ஆகியவை பலப்படுத்த வேண்டும். இவ்வாறு அந்த பதிவில் ஸ்டாலின் தெரிவித்துள்ளார்.



பா.ஜ., எம்.பி., கவுதம் காம்பிர்:எங்களால் முயன்ற அளவு சிறப்பான பணிகளை முயன்றோம். ஆனால் மக்களின் ஆதரவை பெற முடியவில்லை. கெஜ்ரிவால் தலைமையில், டில்லி மேலும் வளர்ச்சி பெறும் என நம்புகிறேன்.




தோற்கடிக்க முடியவில்லை

மஹாராஷ்டிரா முதல்வர் உத்தவ் தாக்கரே: டில்லியில் ஆம் ஆத்மி பெற்ற வெற்றிக்காக கெஜ்ரிவாலுக்கும், மக்களுக்கும் பாராட்டுகளை தெரிவித்து கொள்கிறேன். நாட்டை, ஜன் கி பாட்(மக்களின் குரல்) மூலம் மட்டுமே இயக்கப்பட வேண்டும், மன் கி பாத் மூலம் இயக்கக்கூடாது என்பதை மக்கள் தெளிவாக கூறியுள்ளனர். கெஜ்ரிவாலை பயங்கரவாதி என பா.ஜ., விமர்சனம் செய்தது. ஆனால், அவரை தோற்கடிக்க முடியவில்லை.


தோல்வியை ஏற்றுக்கொள்கிறோம்

மனோஜ் திவாரி, டில்லி பாஜ., தலைவர்: வெற்றி பெற்ற கெஜ்ரிவாலுக்கு வாழ்த்துகள். தோல்வியை ஏற்றுக்கொள்கிறோம். இந்த தேர்தலில் நாங்கள் என்ன எதிர்பார்த்தோமோ அதனை அடையவில்லை. கடந்த 2015 சட்டசபை தேர்தலை விட தற்போது ஓட்டு சதவீதத்தில் முன்னேற்றம் அடைந்துள்ளோம். அடுத்த முறை கடுமையாக உழைப்போம்.


பா.ஜ., திட்டம் தோற்கடிப்பு

காங்., மூத்த தலைவர் சிதம்பரம் டுவிட்டரில் வெளியிட்ட பதிவு: ஆம் ஆத்மி வெற்றி பெற்றுள்ளது. பொய் மற்றும் வெற்று கோஷம் தோல்வியடைந்துள்ளது. இந்தியாவின் பல்வேறு பகுதிகளை சேர்ந்தவர்கள் வசிக்கும் டில்லி மக்கள், பா.ஜ.,வின் ஆபத்தான திட்டங்களை தோற்கடித்துள்ளனர்.


Advertisement




வாசகர் கருத்து (35)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
karutthu - nainital,இந்தியா
16-பிப்-202012:07:12 IST Report Abuse
karutthu மேற்குவங்க முதல்வர் மம்தா பானர்ஜி கூறியதாவது: கெஜ்ரிவாலுக்கு வாழ்த்துகளை தெரிவித்து கொள்கிறேன். பா.ஜ.,வை மக்கள் நிராகரித்து விட்டனர். வளர்ச்சியே செயல்பட்டுள்ளது. சிஏஏ, என்ஆர்சி மற்றும் என்பிஆர் ஆகியவை நிராகரிக்கப்பட்டுள்ளது. இவ்வாறு அவர் தெரிவித்துள்ளார்... ஆனால் காங்கிரெஸ்ஸை சுத்தமாக வாஷ் அவுட் பண்ணிவிட்டார்கள்...அது தான் உண்மை ....
Rate this:
Share this comment
Cancel
mohandas - sydney,ஆஸ்திரேலியா
13-பிப்-202004:13:46 IST Report Abuse
mohandas சிதம்பரம் காங்கிரஸ் எல்லா தொகுதிகளிலும் டெபாசிட் காலி என்பதை உணர்ந்தார் என்றால் இந்த பேச்சு வருமா
Rate this:
Share this comment
Cancel
Loganathan Kuttuva - Madurai,இந்தியா
12-பிப்-202007:12:00 IST Report Abuse
Loganathan Kuttuva பொய் வெற்று கோஷம் தோல்வி அடைந்துள்ளது என்று ப சி கூறியுள்ளார். அது காங்கிரஸ் கட்சிக்கும் பொருந்துமா?
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X